Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Jemi më poshtë se Bosnja"/ Pedagogët sërish në protestë, të vendosur për bojkot të vitit akademik

Politiko 14 Tetor 2022, 11:46

"Jemi më poshtë se Bosnja"/ Pedagogët sërish

Dy ditë para nisjes së vitit të ri akademik, pedagogët kanë dalë sërish në protestë për të kërkuar rritjen e pagave. Ata janë mbledhur sot para Universitetit të Arteve për të kërkuar njëzëri plotësimin e kërkesave.

Pavarësisht vendimit të qeverisë për rritjen e pagave me 15%, pedagogët shprehen se kjo nuk i plotëson kriteret e tyre dhe se janë pedagogët me pagat më të ulëta në rajon.

Pedagogu Ardian Isufi u shpreh se kjo nuk është protesta e pedagogëve, por një protestë që bëhet për dinjitetin e arsimit.

“E nisim këtë forum, e protestë, për të pritur datën 17. Sindikata i punonjësve të universiteteve ka qartësuar se hallin e ka qeveria, e cila dhe pse ka nivelin më të ulët krahasuar me Kosovën e Rajonin edhe e ka shkurtuar. Ku jemi sot me kartën e studentit? Fakt është që jo vetëm që jemi më poshtë me pagat se Kosova, por edhe nga Bosnjë Hercegovina. Kjo s’është thjesht protesta jonë, por për dinjitetin e arsimit dhe mësuesve”, tha pedagogu.

Kreu i Sindikatës së Pedagogëve, Sandër Kovaçi, u shpreh se kërkesat e tyre kryeministri Rama i ka konsideruar ultimatum.

“Ka pasur keqkuptime mbi përmbajtjen e peticionit, ka pasur sugjerime që propozimi të përfundojë me një manifest. Ne e kemi thënë që nuk bëhet fjalë për rrogën e një pedagogu që të mbajë familjen e tij, por që të jetë dinjitoz. Kemi kërkuar rritje 30% këtë vit dhe 20 % vitin e ardhshëm. Duke u nisur nga kriza ekonomike ne e kemi zbritur kërkesën duke qenë solidarë me këtë situatë. Kërkesat tona kryeministri i quajti ultimatum, por i themi kryeministrit ta shikojë universitetin me një sy tjetër. Sot gjendja e profesoratit është në një tjetër gjendje dhe nuk është marrë parasysh asnjë kërkesë dhe nuk ka pasur rritje. Nëse e krahasojmë me Kosovën ka ardhur koha të mos themi që ta bëjmë Shqipërinë si gjithë Europa, por ta bëjmë si Kosova”, tha ai.

Pedagogët janë shprehur se nëse nuk ka një reagim nga qeveria, ateherë dita e hënë nuk do të jetë një ditë mësimi, por bojkot.

Të fundit