Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Jepini përparësi këmbësorëve", Rrugorja: 25,158 gjoba dhe 66 arrestime për shkelje të rregullave gjatë kësaj jave

Politiko 10 Nëntor 2024, 11:21

"Jepini përparësi këmbësorëve", Rrugorja:

Policia Rrugore ka publikuar shifrat e fundit nga monitorimet në të gjithë vendin, duke zbuluar se gjatë javës së fundit janë identifikuar 1800 raste të qarkullimit me shpejtësi tej normave të lejuara, ndërsa në total janë vendosur 25,158 masa administrative për një sërë shkeljesh të Kodit Rrugor. Këto masa përfshijnë gjoba për përdorimin e celularit gjatë drejtimit të mjetit, mospërdorimin e rripit të sigurimit, parakalime të gabuara, drejtim të mjetit nën efektin e alkoolit dhe manovra të rrezikshme në rrugë.

Policia Rrugore ka shtuar kontrollet në të gjitha akset rrugore, duke përdorur mjete të avancuara teknologjike si radarë automatikë, poliskanë, dronë dhe dragera, për të rritur sigurinë në rrugë dhe për të parandaluar aksidentet. Si rezultat i këtyre kontrolleve, 66 drejtues mjetesh janë arrestuar për drejtim të mjetit në gjendje të dehur ose pa leje drejtimi.

Nga monitorimet janë evidentuar raste të drejtuesve që lëviznin me shpejtësi nga 40 deri në 120 km/h mbi normën e lejuar, për të cilët janë aplikuar gjoba maksimale dhe zbritje deri në 8 pikë nga Leja e Drejtimit.

Policia Rrugore ka hartuar një plan të detajuar për javët e ardhshme për të përmirësuar sigurinë rrugore dhe bën apel për respektimin e rregullave të qarkullimit rrugor. Drejtuesit e automjeteve këshillohen të mos kryejnë parakalime të gabuara, të shmangin përdorimin e celularit dhe të vendosin rripin e sigurimit. Ndërsa drejtuesit e motomjeteve dhe përdoruesit e biçikletave dhe monopatinave këshillohen të përdorin shenja dalluese fosforeshente gjatë natës për t’u bërë më të dukshëm.

 

Të fundit