Flash News

Sulmi me një të vrarë në TCH ende pa autor, lirohet ish-dhëndri i rojes Pal Kola

Sulmi ndaj TCH, dy të shoqëruar nga Policia e Vlorës, mes tyre ish-dhëndri i Pal Kolës

Posta e mëngjesit/ Me 2 rreshta: Çfarë pati rëndësi dje në Shqipëri

Sulmi në Top Channel, Rama: Media nuk ka qenë kurrë më e lirë se sot

Basha bojkoton zgjedhjet për herë të dytë

E-TJERA

“Ju kemi parë të qeshur kur e përcillni”, Begaj flet për marrëdhënien me Ramën: Kemi një kod familje

Politiko 6 Shkurt 2023, 21:46

“Ju kemi parë të qeshur kur e përcillni”, Begaj flet

Pas 6 muajsh në detyrë,  Presidenti Bajram Begaj ka folur për disa çështje të rëndësishme që lidhen drejtpërsëdrejti me kompetencat e tij.

Duke folur në emisionin “Pa Censurë” në RTSH, Begaj është pyetur edhe për marrëdhënien që ka me kryeministrin Edi Rama edhe për shkak të mënyrës që e zgjodhi qeveria.

Pjesë nga intervista:

Elona Meço: 6 muaj në detyrë janë mjaftueshëm besoj për të vendosur disa korniza institucionale dhe personale me individë të caktuar. Çfarë marrëdhënie keni me kryeministrin Rama?

Presidenti Bajram Begaj: Unë nuk vendos korniza institucionale. Unë respektoj dhe zbatoj kornizat institucionale që ditën e parë që marr detyrën. Korniza institucionale është tërësia e ligjeve, rregullave, procedurave, akteve që rregullojnë funksionin e institucionit dhe marrëdhëniet mes institucioneve.

Në çdo detyrë timen të mëparshme, kam zbatuar rigorozisht kornizën institucionale. Dhe në këtë rast, si President i Republikës, nuk e përjashtoj veten nga zbatimi në mënyrë rigoroze i kornizës institucionale. Marrëdhënia ime me kryeministrin Rama dhe me çdo personalitet politik ose jo është në kuadrin e një kornize institucionale.

Elona Meço: Nuk e keni kaluar përtej këtë kornizë, sepse psh, kur e prisni apo e përcillni në derën e Presidentit, ju kemi parë të qeshur. Keni një marrëdhënie përtej institucionales?

Presidenti Bajram Begaj: Besoj se ne kemi një kod familje, që, kur përcjellim mikun nga shtëpia e përcjellim deri tek dera jashtë.

 

Të fundit