E-TJERA

Juristi e gazetari investigativ sqarojnë skemën si pastrohen paratë e krimit në Shqipëri: Me çanta në banka

Juristi e gazetari investigativ sqarojnë skemën si pastrohen

Juristi Marash Logu dhe gazetari investigativ Gjergji Erebara kanë shpjeguar me detaje mënyrën sesi bëhet pastrimi i parave në Shqipëri.

Duke komentuar përgjimet e anti-mafias në të cilët thuhet se janë të përfshirë biznesmenë dhe zyrtarë në Shqipëri, ata thonë në ABC se një nga skemat më të njohura është ajo e “parave cash në banka”.

Pjesë nga biseda:

Erebara: Deri tani SPAK ka deklaruar që pret që Italia të hetojë. SPAK duhet të ishte hetuar vetë paraprakisht për këtë punë. Të pastrosh paratë është një punë e vështirë në kushtet kur ekzistojnë institucionet. Në vetting është thjeshtë një analizë financiare e të ardhurave dhe shpenzimeve. Dhe është shumë e vështirë të kontrollosh pastrimin e parave. SPAK emrat i ka le të nisë hetimet.

Logu: Kemi një kuadër të plotë. Kemi një drejtori për parandalimin e pastrimit të parave. Kemi SPAK që është një strukturë e specializuar dhe BKH. Kem të gjithë mekanizmat qe do zbatoheshin. Në Shqipëri politika e ka kaur sistemin e drejtësisë dhe e bën të vështirë që SPAK-u të hetojë.

Erebara: Vullneti i prokurorëve për të hetuar nuk është.

Logu: Ajo që po thotë SPAK-u është vetëm justifikim. Kemi një procedurë më të thjeshtëzuar. Nuk është e nevojshme të kalosh nga ministria e drejtësisë me letërporosi, por drejtpërdrejt nga prokuroria. Kjo marrëveshje me prokurorinë italianë do u mundësonte prokurorëve të SPAK të vepronin me shpejtësi. Po të shikojmë kompani që kanë marrë leje ndërtimi, janë përgjithësisht të reja.

Erebara: Psh. Ti je Ndragheta, gjen një person në Shqipëri që hap kompani. Ai personi bën qarkullime monetare që nuk kontrollohen nga shteti, bëhen cash. Merret një leje dhe hidhet një sasi e vogël parash. Kur regjistrohen këto apartamente në hipotekë deklarohen me vlera të mëdha. Po të shikosh me vëmendje numrin e hotele buzë autostradës, janë tipike për pastrimin e parave. Në Shqipëri ka ndërtime që nuk kanë asnjë logjikë ekonomike.

Juristi e gazetari investigativ sqarojnë skemën si pastrohen

Logu: Funksionimi me cash është shumë e pranishme. Një pjesë e madhe e atyre që po ndërtojnë sot, rreth 59% e tyre nuk kanë burime, kryhen nëpërmjet cash. Të gjithë na ka rënë në sy fakti që jemi në situatë krize. Jemi në një situatë ku bankat refuzojnë kreditë e industrisë së ndërtimit dhe megjithatë ndërtimet vazhdojnë. Prokuroria i ka këto indicie.

Juristi e gazetari investigativ sqarojnë skemën si pastrohen

Juristi e gazetari investigativ sqarojnë skemën si pastrohen

Në tre vitet e fundit mendohet se në Shqipëri janë pastruar 1.3 miliard euro. rreth 59% e kompanive nuk kanë burime financiare të mjaftueshme dhe rreth 60% mendohet se vijnë nga para të pista.

Erebara: Në tregun e ndërtimit qarkullojnë edhe para të pastra. Ato të pista janë në rendin e qindra milion eurove çdo vit. Në gjithë këtë qarkullim të jashtëm ka një diferencë të qindra milion që janë para që nuk dihet nga vinë.  

Ditari politik

Të fundit