Flash News

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Alarmi i zjarreve në vend, 6 vatra ende aktive, si paraqitet situata deri tani

I dënuar në Zvicër për trafik droge, arrestohet në Qafë Thanë maqedonasi (EMRI)

E-TJERA

Juristja nga Oxford-i: Vendimi i Britanisë i paargumentuar, pse po veçohet Berisha pas kaq shumë vitesh

Politiko 23 Korrik 2022, 20:14

Juristja nga Oxford-i: Vendimi i Britanisë i paargumentuar, pse po

Krye i PD-së Sali Berisha komunikoi dje publikisht njoftimin e marrë nga qeveria e Britanisë së Madhe për ndalimin e hyrjes së tij në territorin britanik, si i akuzuar për përfshirje në korrupsion.

Juristja dhe lektorja pranë Universitetit të Oxfordit, Rudina Jasini, e konsideron vendimin e shpallur nga Britania e Madhe pa argumente, çka do të ngrinte dyshime nëse një vendim i tillë është vërtet rezultat i hetimeve dhe analizave ligjore.

Juristja përmes një postimi në Facebook ngre pyetjen se pse pikërisht po veçohet Sali Berisha, dhe pse kur ka pasur aq shumë afera korruptive dhe shkelje të rënda, vendimi vjen pas shumë vitesh.

Postimi i plotë:

Ndërsa është e drejta e Qeverisë së Mbretërisë së Bashkuar të përcaktojë një individ dhe qytetar të një vendi tjetër si persona non grata, përmes një vendimi përjashtimi të marrë nga Sekretari i Brendshëm, padyshim që ekziston një pritshmëri që ai vendim të jetë parimor, i arsyetuar mirë dhe mbi të gjitha i vërtetuar.

Si juriste, e konsideroj deklaratën e fundit të Ministrisë së Brendshme të Mbretërisë së Bashkuar për përjashtimin e ish-kryeministrit të Shqipërisë, z. Sali Berisha nga Britania e Madhe, krejtësisht të paargumentuar. Do të kisha pritur më shumë nga një vend me një traditë juridike të fortë dhe të admirueshme. Dikush do të dyshonte nëse një vendim i tillë është vërtetë rezultat i viteve të hetimit, analizave dhe arsyetimit ligjor. Nga pamja, nuk duket kështu!

Në mënyrë më thelbësore, Britania e Madhe ka qenë epiqendra e pasurisë së qindra oligarkëve, zyrtarëve të korruptuar nga vendet e huaja për vite dhe dekada, dhe asnjë praktikë e tillë përjashtimi nuk është ndjekur nga qeveria e Mbretërisë së Bashkuar, të paktën jo deri vonë me luftën në Ukrainë. Prandaj, do të shtrohej pyetja: pse veçohet zoti Berisha? Pse ky vendim vjen pas kaq shumë vitesh që supozohej se kishin ndodhur afera të tilla korruptive dhe lidhje me krimin e organizuar. Ka krerë shtetesh atje që janë përfshirë në shkelje të rënda të të drejtave të njeriut dhe asnjë vendim i tillë për përjashtim nuk është marrë nga Qeveria e Mbretërisë së Bashkuar.

Vendimet e kësaj natyre, si të gjitha çështjet e ligjit, kërkojnë minimalisht ushtrimin e një procesi të drejtë dhe të paanshëm, duke arritur ekuilibrin e duhur dhe lejojnë që argumentet ligjore të drejtojnë procesin dhe në fund të krijojnë bazën për një vendim për përjashtimin.

Në fund të fundit është çështje drejtësie!