Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kadilli: Në PD ka 1000 veta më të mirë se Basha, ka fytyrën e humbjes; Gara në 13 qershor? Është asimetrike

Politiko 17 Maj 2021, 19:45

Kadilli: Në PD ka 1000 veta më të mirë se Basha, ka

Fatbardh Kadilli, i cili shpalli edhe kandidaturën e tij për kryetar të PD thotë se kreu aktual Lulzim Basha e mbylli ciklin e tij politik me humbjen e zgjedhjeve të 25 prillit.

Në një intervistë për Report tv, Kadilli thotë se Basha e ka djegur mundësinë e rikandidimit në zgjedhjet për kreun e PD dhe se po e çon partinë në një spirale zbritëse duke e mbyllur ciklin e tij politik.

“Basha më rezultatin e 25 prillit mbylli ciklin e tij politik, atë trajektore që ka diçka të re për t’i thënë politikës. Basha ka pasur disa raste të rëndësishme dhe drejtimin e PD për të ekspozuar se sa i zoti është dhe rezultati është negativ dhe më i miri është rezultati i 2015 pas atij momenti devijoi totalisht në aspekt personal dhe aspak politik.

Se Basha do zvarritet në politikë ky është vendim i tij. Jam parimisht kundër kufizimit të drejtës për të rikandiduar, Basha e dogji mundësinë e rikandidimit. Pushteti nuk ndërrohet se mbaron turni, sepse opozita nuk mund të jetë kalkulim.

Opozita e tij u konceptua si një opozitë që lufton për një vend të dytë. Që në nisje ai është gabim në koncept. Ky vend ka nevojë për ofertë serioze dhe njerëz të besueshëm. Është i padenjë për një lider opozite. PD ka minimumi 1000 veta se Basha dhe se unë, puna është se kush merr kurajën të propozojë diçka të re. Me këtë rrugë të Bashës do shkojmë në spirale zbritëse vetëm shpejtësinë nuk e dimë ende si do ndodh, unë marr perisper ta ngre këtë parti.

Kryetari i partisë nuk bën inventarizuesin e vjedhjes dhe unë nuk kam një kryetar parti që të bëj inventarin që më vodhën 200 vota këtu e 100 atje. ”, tha Kadilli.

Në lidhje me zgjedhjet për kryetarin e ri të PD më 13 qershor, Kadilli tha se ka një asimetri të madhe pasi Basha ka një makineri elektorale në dispozicion dhe këtë e bën atë të pabarabartë përpara kandidatëve të tjerë.

“Është një garë asimetrie totale nga pikëpamja e mjeteve për të bërë fushatë pasi Basha ka ngritur një makineri të madhe elektorale përballë Ramës dhe atë makineri tani e ka në dispozicion edhe për zgjedhjet për kandidatët këtë herë. Unë gëzoj asimetrinë morale dhe moralisht demokratë janë me mua dhe jo e Lulzim Bashës që është fytyra e humbjes. Shpresoj se ky moral të zgjojë instinktin politik të demokratëve dhe jo atë instinkt për të mos ia prishur liderit, por të shohin veten si lider”, përfundoi Kadilli.