Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kalaja pyetje SPAK: Çfarë po bën me hetimin ndaj Veliajt si pjesë e grupit të strukturuar kriminal

Politiko 27 Dhjetor 2024, 11:53

Kalaja pyetje SPAK: Çfarë po bën me hetimin ndaj Veliajt si

Avokatja Adriana Kalaja, njëkohësisht kryetare e komisionit të apelimit në PD është paraqitur mesditën e sotme në SPAK ku ka bërë të ditur se ka çuar prova dhe fakte për dy kryebashkiakë të Edi Ramës, Agron Malja, kryebashkiak i Matit dhe Erion Veliaj, i Tiranës.

Për dy kallëzime ndaj Agron Malajt, kryebashkiakut të Matit, adriana Kalaja depozitoi prova të reja se si ai ka favorizuar vëllain e tij Fatos Malaj për lejen e ndërtimit të një hidrocentrali në Madhesh të Matit.

"Ne sot i kemi kërkuar SPAK të na japë informacion se çfarë po bëhet me kallëzimin tonë për hotelin ‘Labrisa’. Çfarë po bëhet me kallëzimin tonë të 31 dhjetorit të 2019, të martën mbushen 5 vite plot, të gjitha lidhen me Erion Veliajn. Ju e kuptoni shumë mirë përsa kohë që korrupsioni nga bashkia Mat duhet të kalojë përmes bashkisë së Tiranës, imagjinoni çfarë bëjnë në Bashkinë e Tiranës. Kështu që në unë sot në emër të Partisë Demokratike dhe Aleancës për Mbrojtjen e Tatrit i kam drejtuar SPAK sot disa pyetje:

Së pari çfarë po bën me hetimin pasuror të Veliajt, të kërkuar nga në të gjitha kallëzimet penale?

Së dyti çfarë po bën me hetimin ndaj Erion Veliajt si pjesë e grupit të strukturuar kriminal, ky paragraf i thënë edhe nëpërmjet vendimeve të gjykatës së posaçme dhe e treta;

Nga e mori informacionin Erion Veliaj informacionin që ky personi (Nesti Angoni) është anonim? Dua t’i kujtoj publikut se të dhënat personale të publikut nuk mund të aksesohen nga askush, qoftë ky edhe kryetari i bashkisë, përveç gjykatave dhe prokurorisë. Kështu i kam kërkuar SPAK të na sqarojë kush e ka informuar Erion Veliaj, burime nga SPAK apo nga gjendja civile, që në të dija rastet përbën vepër penale. Unë nuk e njoh Nesti Angonin, por ky mund ta ketë emrin Belinda Balluku, Blendi Gonxhe, Ogerta Manastirliu...të gjithë konkurentët e Erion Veliajt, të gjithë ata që janë të interesuar që veliajt të shkojë pas hekurave për arsye konkurence se kush ka vjedhur më shumë.",- tha Kalaja.

Më pas ajo i drejtoi një thirrje Altin Dumanit që herën e tretë kur ta thërrasë Erion Veliajn, të thërrasë sërish Belind Këlliçin pasi i tregon publikut dy anët e politikës, atë pjesën e pisët, korrupsionit, madje edhe me duar me gjak, që përfaqëson Veliaj dhe Këlliçi që përfaqëson atë pjesën e pastër të politikanit.