Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Kamp për azilkërkuesit 'britanikë' në Shqipëri? Ministri britanik nuk e mohon

Politiko 19 Nëntor 2021, 09:03
Kamp për azilkërkuesit 'britanikë' në

Dominic Raab, ministri i Drejtësisë dhe Zëvendëskryeministri britanik, ka refuzuar të përjashtojë mundësinë që qeveria të dërgojë në Shqipëri emigrantët nga Lindja e Mesme që kalojnë ilegalisht Kanalin anglez.

Ministrat janë në bisedime për hapjen e një qendre azili në vendin e Evropës Lindore, rreth 1500 milje larg Britanisë, për të penguar emigrantët të bëjnë kalimin e rrezikshëm nga Franca veriore, shkruan inews të cilit i referohet Politiko.al

Duke diskutuar për këto plane Raab nuk mohoi se po zhvilloheshin bisedime me Tiranën.

Ai tha për Times Radio: “Ne po shikojmë partneritetet ndërkombëtare që mund të nxjerrin trajtimin e azilantëve jashtë Britanisë në mënyrë që të përpiqemi të zvogëlojmë faktorin e tërheqjes, që do të thotë se njerëzit mendojnë se mund të përfitojnë me sukses nga këto rrugë.

“Më falni që të mos komentoj për vendet individuale, shumë nga këto diskutime janë në një fazë paraprake, janë shumë më tepër se vetëm një partner”.

Projekti vlerësohet t'i kushtojë taksapaguesit britanik 100,000 £ për emigrant për fluturime dhe akomodim. Kjo është më shumë se dyfishi i asaj që kushton në Angli dhe Uells për të mbajtur një të burgosur të mbyllur për një vit.

Një ministër i tha gazetës The Times se qendra e përpunimit në vende të tjera është "shpresa më e mirë" e Mbretërisë së Bashkuar në trajtimin e krizës së emigrantëve.

Por pasditen e së enjtes, kryeministri shqiptar Edi Rama, i ka mohuar lajmet.

Ai tha për Top Channel: “Shqipëria nuk do të jetë kurrë një vend ku vendet shumë të pasura do të krijojnë kampe për refugjatët e tyre. Kurrë.”

Olta Xhaçka, ministrja e Shqipërisë për Evropën dhe Punët e Jashtme, e cilësoi gjithashtu raportin si “fake news”.

Ajo shkroi në Twitter: “I njëjti lajm i vjetër i rremë këtë herë në faqen e parë të një gazete të respektuar si The Times!

Të fundit