Flash News

Të shtëna në Allias, 31-vjeçari qëllohet nga komshiu, autori zhduket pas ngjarjes

Posta e mëngjesit/ Me 2 rreshta: Çfarë pati rëndësi dje në Shqipëri

HIV në rritje në Kosovë, shënohen 10 raste të reja në pesë muaj

AMP kontrolle në doganën e Kapshticës, gjendet d*ogë e fshehur në një automjet

Fyerje dhe denigrim, Asociacioni i Gazetarëve të Shqipërisë dënon sulmin e Ristanit ndaj gazetarit të “Piranjave”

E-TJERA

Sekuestrohen 7 kg lëndë narkotike në Portin e Durrësit, në pranga administratori i firmës ku do mbërrinte ngarkesa

Politiko 6 Gusht 2021, 15:06

Sekuestrohen 7 kg lëndë narkotike në Portin e Durrësit,

Policia ka sekuestruar 7 kg lëndë narkotike në Portin e Durrësit në një kontejner të ngarkuar me prodhime deti. Është arrestuar administratori i firmës “Fish Co Tirana”, Denis Doda ku do të mbërrinte ngarkesa.

Ngarkesa e ndarë në pako brenda së cilës u gjet edhe një GPS, vinte nga Ekuadori dhe kishte si destinacion firmën e peshkut.

Kjo nuk është hera e parë që policia sekuestron lëndë narkotike në Portin e Durrësit. Në kontejnerët e firmës “Alba Exotic” është sekuestruar plot tre herë brenda muajit një sasi e konsiderueshme kokaine.

Njoftimi i policisë:

Durrës

Vijojnë goditjet e njëpasnjëshme ndaj tentativës për trafikim të lëndëve narkotike në vendkalimin e kontrrollit kufitar Port, Durrës.
Finalizohet operacioni policor i koduar "Urbanor".
Task Forca permanente e përbashkët e përbërë nga Policia Kufitare e Portit të Durrësit, Policia Kriminale e DVP Durrës dhe autoritetet doganore të Portit, evidentojnë dhe godasin një rast të tentativës së trafikimit të lëndëve narkotike.
Arrestohet në flagrancë administratori i firmës ku do mbërrinte kontenieri.
Sekuestrohet një sasi rreth 7 kg lëndë narkotike e dyshuar kokainë.
Në vijim të goditjeve të njëpasnjëshme ndaj veprimtarisë kriminale të tentativës për trafikim të drogave të forta, si rezultat i kontrolleve të shtuara, bazuar edhe në analizën e riskut të bërë nga Task Forca permanente e cila vepron në Portin e Durrësit, në bazë të dyshimeve të krijuara nga kjo Task Forcë dhe informacioneve që dispononte Policia Kriminale, kanë ushtruar kontroll të detajuar në një kontenier të ngarkuar me prodhime deti që ishte nisur nga Ekuadori për llogari të firmës “Fish Co Tirana”, me qendër në Tiranë.
Si rezultat i kontrollit të imtësishëm të ushtruar në kontenier, në pjesën e kapakëve të ventilimit u gjetën pako me lëndë narkotike të dyshuar kokainë me peshë rreth 7 kg dhe një GPS, të cilat u sekuestruan në cilësinë e provës materiale.
Në vijim të veprimeve, specialistët për Hetimin e Narkotikëve në Drejtorinë Vendore të Policisë Durrës arrestuan në flagrancë shtetasin D. D., 35 vjeç, banues në Tiranë (administratori i firmës ku do mbërrinte kontenieri).
Grupi hetimor, nën drejtimin e Prokurorisë së Rrethit Gjyqësor Durrës, vijon veprimet hetimore për dokumentimin e plotë kësaj veprimtarie kriminale, identifikimin dhe kapjen e personave të tjerë të përfshirë në të.
Materialet do t’i kalojnë Prokurorisë së Rrethit Gjyqësor Durrës për veprime të mëtejshme.