Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

E-TJERA

"Kapen me presh në duar", denoncimi i PAA: Shoqëruesit e ministres Gjonaj shpërndanë 12 legalizime për vota në Dibër

Politiko 28 Shkurt 2021, 14:56

"Kapen me presh në duar", denoncimi i PAA: Shoqëruesit e

Partia Agrare Ambientaliste ka denoncuar publikisht një rast të blerjes së votave në këmbim rë legalizimeve në qyterin e Dibrës.

Sipas nënkryetarit të kësaj partie, Arben Tafaj shoqëruesit e ministres Etilda Gjonaj janë filmuar teksa kanë shpërndarë 12 legalizime në njësinë administrative nr.7, në këmbim të votave në Dibër.

Ndër të tjera, Tafaj thotë se provat do t’i dërgojë gjithashtu në SPAK, ndërsa i bën thirrje qytetarëve të mos e shesin votën e tyre, por të votojnë të lirë.

Deklarata e plotë:

Bandat e rilindasve hajdutë janë hedhur në sulm për të vjedhur votat e shqiptarëve. Shoqëruesit e ministres së Drejtësisë Gjonaj kapen me “ presh në dorë” në një krim elektoral. Në 27 shkurt Ministria Gjonaj shpërndan në njësinë administrative nr. 7 për blerje vote 12 legalizime. PAA po paraqet sot me prova konkrete krimin elektoral të rilindasave hajdutë të votave, parave dhe të ardhmes së shqiptarëve. Me makinat e ministres Gjonaj, me shoqëruesit e ministres Gjonaj dhe ndoshta edhe me vetë ministren Gjonaj të strukur brenda makinës së saj, dje hajdutë të votave të Dibrës të dënuar me vendim gjykate –janë parë duke shpërndarë leje legalizmi në këmbim të votave. Ky nuk është një rast i vetëm. Vjedhja e votave nëpërmjet angazhimit të bandës kriminale në Dibër dheDurrës, e bëri qeverisjen e vendit më të keqe, i varfëroi më shumë shqiptarët dhe ju vrau atyre shpresën dhe perspektivën për të ardhmen europiane.

Rasti konkret përbën një krim elektoral. SPAK duhet të veprojë menjëherë duke bllokuar për hetim të thelluar të gjithë regjistrat e dhënies së lejeve të legalizimit pas ditës së shpalljes së zgjedhjeve. Ҫdo vendim i marrë nga ҫdo rilindas hajdutë dhe të pa shpresë, ҫdo qindarkë e harxhuar nga qeveria dhe kryetarët e bashkive, ҫdo punësim abuziv në ҫdo institucion dhe kompani publike në shkëmbim të votave, duhet të hetohet si krim elektoral. Askush nuk mund të shpresojë për një Shqipëri më të mirë me qeveritarë si të ҫetës së “Ali Baba-së me 40 hajdutë” . Ne nuk mund të ndalim varfërinë tonë shpirtërore dhe materiale duke toleruar vjedhjen e votave dhe të shpresës. PAA i bën thirrje të gjithë përfaqësuesve të partnerëve tanë strategjikë dhe institucioneve ndërkombëtare që jo të mbajnë shënime për raportet pas zgjedhjeve por të imponojnë respektimin e standardeve të zgjedhjeve të lira dhe të ndershme.

Të dënojnë publikisht ҫdo tendencë të vjedhjes së votave duke luftuar krimin elektoral që po ndodh, të ndihmojnë realisht Shqipërinë dhe shqiptarët në luftën kundër kësaj bande qeverisëse. PAA i bën thirrje ҫdo votuesi shqiptar të mos ja shesë integritetin dhe votën e tij asnjë partie politike të majtë apo të djathtë, por të votojë i lirë. PAA është e shqetësuar se kush shet votën blen varfërinë e tyre të përhershme prandaj, ju bën thirrje të gjithë votuesve dhe shoqërisë civile të denoncojnë në kohë dhe me prova konkrete ҫdo akt të shitblerjes së votave. Angazhimi i tyre për të ardhmen e tyre dhe të fëmijëve të tyre është sot më i domosdoshëm se kurrë për të shpëtuar nga rilindasit hajdutë dhe për të provuar se shqiptarët janë të lirë dhe të përkushtuar për të ardhmen e tyre më të mirë. Provat e këtij krimi PAA do t’i paraqesë edhe në SPAK. Reagimi ynë ndaj veprimeve që përbëjnë krim elektoral nuk do të ndalet këtu por me fakte dhe prova do të denoncojmë pranë organeve kompetente ccdo veprim të paligjshëm që synon në tjetërsimin e vullnetit të zgjedhësve.

"Kapen me presh në duar", denoncimi i PAA: Shoqëruesit e