Flash News

I përfshirë në një grup të strukturuar kriminal, arrestohet malazezi në Spanjë

Draft-raportet nga Brukseli ekspozojnë ‘fasadën e qeverisë’ ndaj integrimit

Ferri në kampin e Gjadrit, 45 tentativa plagosjesh dhe protesta të dhunshme

U zhyt në lumë për t’i shpëtuar nga mbytja, shqiptari bën tatuazh fytyrat e dy fëmijëve të ndjerë

Pse Lufta e III-të Botërore po ‘flet’, dhe Rama po hesht

E-TJERA

Kapet në Dubai Dritan Gjika, Lala: Lidhje deri te ish-presidenti i Ekuadorit

Politiko 26 Maj 2025, 21:34

Kapet në Dubai Dritan Gjika, Lala: Lidhje deri te ish-presidenti i

Dritan Gjika, një nga emrat më të përfolur të krimit të organizuar me lidhje në Amerikën Latine, është arrestuar në Emiratet e Bashkuara Arabe. Lajmi është konfirmuar nga gazetarja e njohur Klodiana Lala në emisionin "Të Paekspozuarit" në MCN TV, ku ka zbardhur detaje tronditëse mbi aktivitetin kriminal të tij.

Sipas Lalës, Gjika konsiderohet si koka e një organizate ndërkombëtare që ka trafikuar tonelata droge dhe ka pastruar miliona euro përmes skemave të sofistikuara financiare. Aktiviteti i tij kryesor dyshohet se është zhvilluar në Ekuador dhe vende të tjera të Amerikës Latine, ndërsa në Shqipëri dyshohet për pastrim parash në shuma të konsiderueshme.

“Bëhet fjalë për një nga njerëzit më të rëndësishëm të narkotrafikut në Ekuador. Ka operuar me një grup shumë të fuqishëm kriminal dhe dyshohet se ka pastruar 32 milionë euro përmes skemës ‘Hawala’, ku paratë nuk transferohen fizikisht, por lihen në një vend dhe merren në një tjetër,” deklaroi Lala.

Lidhjet e Gjikës në Amerikën Latine kanë qenë aq të fuqishme sa autoritetet ekuadoriane kanë shpallur në kërkim edhe gjyqtarë të dyshuar për favorizimin e tij. Sipas Prokurorisë së Ekuadorit, organizata që ai drejtonte përfshinte eksponentë nga Shqipëria, Ekuadori, Kolumbia dhe vende të tjera.

Ndërkohë, në Shqipëri rasti nuk ka marrë vëmendjen që meriton. Megjithatë, dyshohet se përmes këtij rrjeti janë pastruar para edhe në territorin shqiptar. Lala tha se pas Dritan Rexhepit, Gjika mund të jetë shqiptari më i rëndësishëm që është shpallur në kërkim ndërkombëtar me “kartelë të kuqe”.

Gjika ka patur gjithashtu aktivitet kriminal edhe në Spanjë, ndërsa autoritetet ndërkombëtare pritet të koordinojnë ekstradimin dhe hetimet e mëtejshme për zbardhjen e të gjithë rrjetit të tij.

Të fundit