Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Kapexhiu i propozon emrat: Kë duhet të vendosë Basha ministër të Jashtëm dhe të Shëndetësisë në rast fitoreje në 25 Prill

Politiko 5 Mars 2021, 08:39
Kapexhiu i propozon emrat: Kë duhet të vendosë Basha
Bujar Kapexhiu

Karikaturisti Bujar Kapexhiu i ka propozuar kreut të PD-së Lulzim Bashës dy emra se kë duhet të vendosë ministër të Jashtëm dhe ministër të Shëndetësisë, në rast të një fitoreje të mundshme në zgjedhjet e 25 Prillit.

I ftuar këtë të enjtë në emisionin PolitikOn nga Alfred Lela në RTV Ora, Kapexhiu tha se do të dëshironte që Basha të zgjidhte Tomor Alizotin për në krye të Ministrisë së Jashtme, pasi është dhe specialist i fushës.

Kapexhiu: Unë do të kisha shumë dëshirë që në ministrinë e Jashtme të ishte ai djaloshi i ri, shumë simpatik, shumë i mençur, Alizoti. Ai që është deputet i Beratit. Pse mos ishte ai ministër i Jashtëm?

Dudushi: Pse pikërisht ministrinë e Jashtme Alizotit?

Kapexhiu: Sepse ka studiuar për diplomaci. Ka studiuar dhe është specialist në këtë fushë, prandaj them unë të zgjedhë specialistët ministra.

Ndërsa për në krye të ministrisë së Shëndetësisë, Kapexhiu do të preferonte që Basha të zgjidhte një emër jashtë politikës, epidemiologun Ilir Alimehmetin.

Kapexhiu: Unë ministër të Shëndetësisë do të vendosja një djalosh të ri dhe që se njoh dhe se kam takuar kurrë, Alimehmetin. Është një vlerë. Nuk e di nëse ai do të pranojë t’i hyjë administratës, të lërë profesionin.

Lela: Të dëgjon Basha ndonjëçik?

Kapexhiu: Në qoftë se Basha më dëgjon mua, unë i siguroj që do qendrojë gjatë në Qeveri.

Kapexhiu këshilloi më tej Bashën që ministrant e kabinetit të tij, mos t’i zgjedhë nga radhët e deputetëve të Kuvendit, por specialist të fushës.

Kapexhiu: Dua t’i jap një këshillë, ashtu siç quhet, kryeministrit të ardhshëm. Ata që janë në fotografi, janë shumë bukur deputetë dhe le të qëndrojnë deputetë, leri aty se Kuvendi është shumë i rëndësishëm. Të jetë një Kuvend i mençur për atë që ne e kemi kritikuar vazhdimisht dhe ministrat të jenë specialistë jashtë Kuvendit.

Të fundit