Flash News

Drejtori i ARRSH-së paraqitet në SPAK

Berisha thërret protestë më 16 maj: Zgjedhjet u diktuan nga bandat kriminale

Dosja “Toyota Yaris”/ SPAK kërkon 6 vite burg për avokatin Radovan Çela

Shkodër, familjarët gjejnë të varur 65-vjeçaren

Burgu i Durrësit ‘bastion’ i PS

E-TJERA

Kardinali Enrnest Simoni reagon pas ndërprerjes nga jeta të Papa Françeskut: Ai e donte shumë popullin shqiptar

Politiko 21 Prill 2025, 18:45

Kardinali Enrnest Simoni reagon pas ndërprerjes nga jeta të Papa

Kardinali shqiptar, At Enrnest Simoni (Troshani), ka reaguar pas lajmit për ndarjen nga jeta të Papa Françeskut, duke theksuar dashurinë e thellë që ky i fundit ka pasur për popullin shqiptar. Ai ka ndarë kujtime dhe fjalë të ngrohta për Papa Françeskun, duke theksuar se ky i fundit e zgjodhi Shqipërinë si destinacionin e parë të udhëtimit të tij ndërkombëtar si Papë, në vitin 2014.

Në një reagim të shpërndarë për mediat, Kardinali Simoni theksoi se Papa Françesku kishte një qëllim të qartë gjatë gjithë misionit të tij, për të luftuar të keqen, djallin dhe mëkatin, dhe për të sjellë paqen dhe shpresën e amshuar. Ai përmendi gjithashtu takimet e tij personale me Papa Françeskun, ku shihej qartë dashuria dhe vlerësimi që ky i fundit kishte për popullin shqiptar.

"Shënjti Papë ishte gjithmonë i qartë në qëllimin e tij, për të forcuar frymën e shpresës dhe mirësisë. Të gjithë e dimë mësimet që ka dhënë ai, duke u angazhuar për të shkatërruar djallin dhe mëkatin, dhe për të sjellë të mirën dhe paqen. Ai e zgjodhi Shqipërinë si destinacionin e tij të parë ndërkombëtar dhe shprehu një dashuri të madhe për popullin tonë. Kujtimi i tij do të mbetet gjithmonë i gjallë në zemrat tona", u shpreh Kardinali Simoni.

Papa Françesku, i cili u nda nga jeta më 21 shtator, do të kujtohet për angazhimin e tij të palodhur për paqen, dashurinë dhe të mirën, duke qenë një figurë udhëheqëse në forcimin e unitetit dhe shpresës në mbarë botën.

Të fundit