Flash News

Foto/ Sherr në një qendër numërimi në Kukës, policia tenton të ndalojë të riu

PD kryeson në Njësinë 2 në Tiranë

Numërohen 5 kuti në qarkun e Gjirokastrës, ja si ndahen votat

Hapen 6 kutitë e para për numërim në Kukës

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

E-TJERA

Katër persona shpallen fajtorë për vrasjen e 26-vjeçarit shqiptar Anselam Senaj në Britani

Politiko 14 Janar 2025, 21:13

Katër persona shpallen fajtorë për vrasjen e 26-vjeçarit

Katër persona janë dënuar nga drejtësia britanike për vrasjen e shqiptarit Anselam Senaj, 26 vjeç, nga Kopliku, i cili u godit për vdekje me thikë më 11 nëntor 2023 në lindje të Londrës.

Sipas raportimeve nga BBC, gjyqi i mbajtur në Old Bailey shpalli fajtorë Muhammad Saqib Khan (23 vjeç) nga Enfield, Muhammad Samiyul Miah (18 vjeç) nga Manor Park, si dhe Zain Ali (21 vjeç) dhe Ibrahim Naim (18 vjeç), të dy nga East Ham.

Ngjarja ndodhi kur Senaj po udhëtonte në sediljen e pasme të një taksie në Victoria Avenue, Newham. Automjeti u ndalua me forcë nga një makinë tjetër, një Mitsubishi ngjyrë argjendi, në të cilën udhëtonin gjashtë persona të maskuar.

Katër prej tyre dolën nga makina dhe rrethuan taksinë. Dy prej sulmuesve, të pajisur me thika deri në 61 cm të gjata, sulmuan Senajn, i cili u godit fatalisht në gjoks.

Pavarësisht thirrjes së shërbimeve të emergjencës, i riu shqiptar ndërroi jetë në vend.Prokurorja Alexandra Healy KC deklaroi gjatë gjyqit se Senaj, i përfshirë në tregtinë e drogës, kishte paralajmëruar shoferin e taksisë për rrezikun e tij pak momente para sulmit. “Ai e kuptoi qartë se ishte në rrezik dhe tha se pasagjerët do ta vrisnin. Fatkeqësisht, ai kishte absolutisht të drejtë,” tha prokurorja.

Prokuroria argumentoi se Muhammad Saqib Khan shkaktoi plagën fatale, ndërsa Miah dhe Ali ndihmuan në sulmimin e taksisë. Ibrahim Naim pranoi të ishte shoferi i makinës Mitsubishi, por Khan mohoi praninë e tij në vendin e ngjarjes.

 

Të fundit