Flash News

Zjarr në Lurë, flakët rrezikojnë Parkun Kombëtar

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

E-TJERA

KE padit Maltën për pasaportat e arta, Rama injoron kritikat: Mos qani hallin!

Politiko 29 Shtator 2022, 20:33

KE padit Maltën për pasaportat e arta, Rama injoron kritikat: Mos qani

Komisioni Evropian deklaroi të enjten së do të përgatitë një padi ligjore ndaj Maltës për të ashtuquajturin projektin e pasaportave të arta, i cili leoj të huajt që blejnë shtetësinë vendase me qëllim investimi.

Mbajtja e një pasaporte malazeze i kushton të huajve 1 milion euro dhe u lejon ata të jetojnë dhe të punojnë në çdo vend të BE-së.

Në muajt e fundit, Malta pezulloi programin për shtetasit rusë dhe bjellorusë pas fillimit të luftës në Ukrainë, por ajo vazhdon të operojë skemën për të gjitha kombësitë e tjera dhe nuk ka shprehur ndonjë qëllim për t'i dhënë fund.

Brukseli beson se skema është në kundërshtim me ligjin e BE-së, sepse shtetësia jepet pa ndonjë detyrim real për përfituesit që të jetojnë në vend. Malta e kundërshton këtë pikëpamje, duke këmbëngulur sërish të enjten se ishte korrekte në interpretimin e saj të traktateve të BE-së.

"Qeveria e Maltës beson se nuk është në kundërshtim me parimin e bashkëpunimit të sinqertë siç përcaktohet në nenin 4 (3) të Traktatit të Bashkimit Evropian", tha Ministria e Punëve të Brendshme të Maltës në një deklaratë.

Të njëjtën nismë ka ndërmarrë edhe qeveria shqiptare. Përpos kritikave nga opozita dhe ekspertët e fushës së ekonomisë, kryeministri Rama nuk u tërhoq nga amnistia fiskale. Drafti u hodh për konsultim në qershor dhe parashikon deklarimin vullnetar të një pasurie në vlerë monetare deri në 2 milionë euro, te cilat me pas tatohen nga 7-10 %.

Ligji parashikon edhe amnisitimin e pasurive të paluajtshme. Sipas projektligjit për personat në përbërje të certifikates familjare, pasuria që lejohet të deklarohet është tërësia e deklarimeve vullnetare të kryefamiljarit ose cdo personi madhor, bazuar në të dhënat e certifikatës familjare sipas përbërjes që rezulton e dokumentuar deri me datë 1.1.2022.

Sot u mbajt takimi për diskutimin mbi amnistinë fiskale mes ambsadorëve të huaj në Shqipëri dhe përfaqësuesve të qeverisë. Megjithëse ishte vetë kryeministri Rama që i ftoi dhe organizoi takimin, ai vetë nuk ishte i pranishëm.

Në përfundim të takimit, delegacioni i BE-së në Tiranë ka ripërsëritur shqetësimet lidhur me nismën e qeverisë shqiptare.

“Bashkimi Evropian ka shqetësime serioze për draftin aktual të ligjit për amnisti fiskale. Ne do të vazhdojmë konsultimet me strukturat përkatëse të qeverisë për të rishikuar këtë legjislacion”, tha delegacioni për mediat.

Ndërsa kryeministri Rama ëshët shprehur se nuk do të tërhiqet pavarësisht se çfarë qëndrimi mbajën ndërkombëtarët. Një ditë më parë, i pyetur për ligjin e amnistisë fiskale dhe qëndrimin e tyre Rama ju tha gazetarëve “ju qani hallin sa do mërzitet BE-ja apo sa do mërzitet Amerika? Çfarë halli qani? Këta i kanë punët në rregull”.

Të fundit