Flash News

50-vjeçari në Tiranë ndërron jetë duke çuar fëmijën në çerdhe

Vrasja e Liridonës, reagon ashpër Behgjet Pacolli

PD çon në Gjykatën Kushtetuese marrëveshjen Rama-Meloni për refugjatët

Aksident në Berat, përmbyset “Ford-i” në mes të rrugës

Serbët e veriut të Kosovës nisin peticione për të shkarkuar kryetarët shqiptarë të 4 komunave

E-TJERA

Këndi i kulturës/ Njihuni me aktivitetet e javës në Tiranë

Politiko 17 Nëntor 2023, 16:46

Këndi i kulturës/ Njihuni me aktivitetet e javës në

"Politiko.al", sjell këndin e kulturës, ku informon qytetarët për aktivitet artistike që do të organizohen në Tiranë në fundjave dhe përgjatë javës së ardhshme.

Gjatë kësaj jave nisi një prej eventeve më të rëndësishme kulturore për vendin tonë, panairi i 26 librit. Panairi i përvitshëm i librit mbledh bashkë shtëpitë botuese nga Shqipëria, Kosova, Maqedonia e Veriut dhe Mali i Zi, shkrimtarë, poetë, përkthyes dhe lexues, ku njihen me botimet e reja, diskutojnë mbi problematikat e letërsisë bashkëkohore, përkthimit në gjuhën shqipe dhe shumë aktivitetet të tjera me të autorë dhe studiues. Eventi kulturor do të zgjasë deri më 19 nëntor.

Këndi i kulturës/ Njihuni me aktivitetet e javës në

Ditën e nesërme për të vegjlit tanë në Liceun Artistik "Jordan Misja", do të mund të ndjekin shfaqen “Rosaku i shëmtuar“ kjo përrallë klasike vjen për t'i dhënë një mesazh të rëndësishëm fëmijëve. Pjesën mund ta gjeni të shtunën dhe te dielën në oraret 10:30, 11:30.

Këndi i kulturës/ Njihuni me aktivitetet e javës në

Gjithashtu në të njëjtin vend do të gjeni edhe shfaqen “E BIJA E HËNËS DHE DIELLIT”, në datat 18,19 dhe 25 nëntor, në orën 10:30.

Ndërkohë për dashamirësit e operas në skenën e Teatrit të Operës dhe Baletit në fundjavë, do të luhet opera “Attila”. Një histori e shekullit të pestë, që vjen aq aktuale në ditët që po jetojmë! Një ngjarje që na bën të mendojmë edhe njëherë se çfarë është dashuria për familjen, për vendin dhe lirinë.

Këndi i kulturës/ Njihuni me aktivitetet e javës në

Në Teatrin Kombëtar Eksperimental “Kujtim Spahivogli”, në orën 19:00 këtë fundjavë do të gjeni “E kuqja” një shfaqje me dy personazhe, nga shkrimtari amerikan John Logan për artistin Mark Rothko. Mark Rothko është në studion e tij në Nju Jork në vitet 1958/59, pasi është porositur të pikturojë një grup muralesh për restorantin e shtrenjtë dhe ekskluziv ‘Four Seasons’. Ai i jep urdhra ndihmësit të tij, Kenit ndërsa Keni përzien bojërat, bën kornizat dhe përgatit pikturat. Keni, megjithatë, përfundimisht vë në dyshim teoritë e artit të Rothkos dhe pranimin e tij për të punuar në një projekt të tillë tregtar. Nga ana e tij, Rothko nuk i pëlqen ngritja e artit pop.

Këndi i kulturës/ Njihuni me aktivitetet e javës në

Nga data 23 deri më 30 nëntor ora 19:00 do të luhet "Mbreti Lir" i William Shakespeare. Një tragjedi, e mbushur me pasion, tradhti, dhe çmenduri, na rrëfen për mbretin plak Lir që ndan mbretërinë mes të bijave, duke shkaktuar një vorbull të pafund të tradhtive dhe konfliktit.

Të fundit