Flash News

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Shpërthen në flakë automjeti te Komuna e Parisit

Krimet Zgjedhore/ Agjentët e BKH dhe Policia kontrolle në Shkodër

Arrestohen në Dubai 3 bashkëpunëtorë të Talo Çelës

Miu në kthetrat e bufit, Chris LaCivita i përgjigjet drejtpërdrejt Ramës

E-TJERA

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Politiko 7 Maj 2025, 20:32

Kërkimet për 29-vjeçarin në Klos, Kosova vjen në

Kërkimet për gjetjen e e trupit të 29-vjeçarit Ardit Beshiri, vijojnë prej mesditës së të shtunës së kaluar, ndërsa në operacionin e kërkim-shpëtimit janë përfshirë forcat e armatosura, banorë të zonës dhe familjarë.

Ndërkohë, qeveria e Kosovës ka vendosur t'i bashkohet kërkimeve duke dërguar një kontingjent për operacionin humanitar kërkim shpëtim, në vendin e quajtur “Qafën e Burrelit”, Bashkia Klos.

Lajmin e ka bërë të ditur kryeministri në detyrë i Kosovës, Albin Kurti përmes rrjeteve sociale, sipas të cilit Kosova është përherë në mbështetje e përkrahje të Shqipërisë. 

"Përmes një mbledhjeje elektronike të zhvilluar ditën e sotme, miratuam vendimin për aprovimin e kërkesës së Ministrisë së Mbrojtjes për dërgimin e kontingjentit të FSK-së në operacion humanitar në Republikën e Shqipërisë.
Nga vendimi i kësaj mbledhjeje të 259-të të Qeverisë, Ministria e Mbrojtjes është e përgatitur të mbështesë Shqipërinë me një kontingjent, përkatësisht për operacionin humanitar kërkim shpëtim, në vendin e quajtur “Qafën e Burrelit”, Bashkia Klos, ku ditëve të fundit në ambientet e fabrikës së përpunimit të kromit ka ndodhur një rrëshqitje masive dheu.
Si pasojë e kësaj ngjarjeje dheu ka mbuluar një punonjës të kompanisë që operon në shfrytëzimin e mineraleve në këtë zonë.
Kosova është përherë në mbështetje e përkrahje të Shqipërisë e në këtë rast të asistimit të autoriteteve në këtë operacion. Bashkë, pranë njëri-tjetrit, me shpresën për lajme të mira nga vendi i ngjarjes", shkruan Kurti. 

Të shtunën e 3 Majit 29 vjeçari Ardit Beshiri ka qenë duke punuar me eskavator, në stokun e fabrikës së përpunimit të kromit, e cila muajt e fundit shfrytëzohej nga një shoqëri kineze. Në rrethana ende të paqarta është çarë rezervuari dhe nga vërshimi i ujit dhe inerteve, i riu është rrëmbyer nga rrjedha bashkë me mjetin e tij.

Të fundit