Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

Këshilli Bashkiak në Kukës i heq titullin e nderit publicistit Veton Surroi, Safet Gjici: Po bën fushatë kundër UÇK; Rama: Lajthitje kolektive!

Politiko 27 Nëntor 2020, 17:09

Këshilli Bashkiak në Kukës i heq titullin e nderit publicistit

Këshilli Bashkiak në Kukës ka vendosur t’i heqë titullin "Qytetar Nderi" Veton Surroit, publicistit dhe politikanit të njohur nga Kosova.

Sipas kreut të Këshillit të Qarkut Abdulla Domi, vendimi është marrë pas kërkesës drejtuar Këshillit të Qarkut nga dy intelektualë të Kukësit.

Nga ana tjetër, kryebashkiaku i Kukësit, njëherësh anëtar i Këshillit të Qarkut, Safet Gjici është shprehur se ky vendim është i arsyeshëm për shkak të fushatës mediatike dhe politike që sipas tij Veton Surroi po bën kundër Ushtrisë Çlirimtare të Kosovës. 

“Ai po bën fushat politike, mediatike kundra ushtarëve dhe ne nuk mund ta pranojmë këtë ‘Nder i Qarkut. Çfarë deri është ku? Duhet ta heqim sot dhe le të shkojë ta çojë në gjykatë”, shprehet Gjici.

Disa orë pas këtij vendimi, ka ardhur reagimi i kryeministrit Edi Rama.

Ai ka dalë kundër këtij vendimi, duke e cilësuar një “lajthitje kolektive” dhe kërkoi nga prefekti ta refuzojë.

“Vendimi i Këshillit të Qarkut të Kukësit për heqjen e titullit "Qytetar Nderi" Veton Surroit është një lajthitje kolektive që uroj Prefekti do ta refuzojë! Ndërkohë parlamenti duhet të ndërhyjë për ta normuar njëherë e mirë çështjen e titujve e të medaljeve.

Ky vend s'mund të jetë një planet më vete brenda botës që e ka sistemuar me kohë e me vakt këtë punë, ku s'ka president që jep medalje për heronjtë e luftërave të shkuara se kështu i thotë koka dhe s'ka këshill që ia heq titullin dikujt me kërkesë të disave! Boll me këtë absurd!”, shkruan Rama.

Këshilli i Qarkut Kukës, në vitin 2015 me propozim te Klubit letrar “Anton Pashku”, Kukës, vlerësoi Veton Surroin me titullin e lartë “Nderi i Qarkut Kukës” me motivin “Për kontribut të veçantë në fushën mediale dhe politike gjatë krizës së vitit 1999 dhe shpalljes së Pavarësisë së Kosovës”.

Kujtojmë se Veton Surroi ka deklaruar se UÇK nuk ishte ushtri çlirimtare, por një pakicë politike.

 

Të fundit