Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Këshilli i BE-së i tërheq vëmendjen Shqipërisë: Hiqni dorë nga amnistia fiskale, forconi administratën

Politiko 13 Dhjetor 2022, 16:22

Këshilli i BE-së i tërheq vëmendjen Shqipërisë:

27 ministrat e çështjeve europiane të BE-së kanë aprovuar konkluzione lidhur me procesin e integrimit europian për Shqipërinë, në kuadër të konkluzioneve për politikën e zgjerimit.

Konkretisht, sipas ABC Këshilli mirëpret mbajtjen e konferencës së parë ndërqeveritare me Shqipërinë më 19 korrik 2022, pas zgjedhjeve parlamentare në prill 2021, Këshilli nënvizon rëndësinë e autoriteteve për të vazhduar trajtimin e zbatimit të rekomandimeve të pazgjidhura të OSBE/ODIHR.

Po ashtu,  mirëpret që Shqipëria ka bërë përparim në fushat themelore dhe veçanërisht në fushën e sundimit të ligjit, veçanërisht duke zbatuar reformën gjithëpërfshirëse në drejtësi, e cila ka përparuar në mënyrë të qëndrueshme, duke forcuar luftën kundër korrupsionit dhe krimit të organizuar.

Këshilli i bën thirrje Shqipërisë që të përmbahet nga vendosja e çdo skeme apo mase të tillë si legjislacioni i amnistisë tatimore që mund të rrezikojë ose dëmtojë përafrimin me arritjen e deritanishme legjislative dhe politikat e BE-së, duke përfshirë procedurat dhe masat e BE-së që synojnë parandalimin e pastrimit të parave dhe evazionit fiskal.

Për më tepër, Këshilli vazhdon t’i bëjë thirrje Shqipërisë që të bëjë përparim të prekshëm në lirinë e shprehjes. Këshilli rithekson rëndësinë e garantimit që çdo amendament në ligjin e medias të jetë në përputhje me rekomandimet e Komisionit të Venecias dhe standardet ndërkombëtare, nëse ligji shqyrtohet më tej nga parlamenti.

Këshilli vëren se është arritur progres i kufizuar në reformën e administratës publike dhe inkurajon Shqipërinë të vazhdojë me përpjekjet e vendosura në këtë fushë. Koordinimi brenda administratës publike ka nevojë për përmirësim, veçanërisht për integrimin e proceseve të planifikimit të politikave dhe buxhetimit. Krijimi i agjencive të reja duhet të jetë një proces gjithëpërfshirës dhe këto duhet t’i nënshtrohen kontrolleve dhe balancave.

 

Të fundit