Flash News

Rama shënjestron sërish prokuroren Shkodrës: Gjeli hartoi ese filozofike me pafajësinë e ndërtimit pa leje

I shpallur në kërkim për vjedhje, arrestohet 26-vjeçari në Durrës

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

E-TJERA

Kim e Soreca takojnë kreun e KED: Koha që Gjykata Kushtetuese dhe ajo e Lartë të jenë tërësisht funksionale

Politiko 22 Janar 2021, 17:38

Kim e Soreca takojnë kreun e KED: Koha që Gjykata Kushtetuese dhe ajo

Ambasadorja e SHBA-së Yuri Kim dhe ambasadori i BE, Luigi Soreca kanë zhvilluar një takim me kreun e Këshillit të Emërimeve në Drejtësi (KED), Ervin Pupe.

Ambasadorja amerikane, në një status në rrjetet sociale shkruan se tani është koha që Gjykata e Lartë të arrijë kuorumin në mënyrë që të mbushen vendet vakante në Gjykatës Kushtetuese dhe vetë Gjykata e Lartë të jetë tërësisht funksionale.

“Duke punuar bashkë, KED, Presidenca dhe Parlamenti arritën ta bënin funksionale Gjykatën Kushtetuese nga fundi i 2020.

Tani është koha që Gjykata e Lartë të arrijë kuorumin në mënyrë që të mbushen vendet vakante në GjK dhe vetë Gjykata e Lartë të jetë tërësisht funksionale. Le të ecim përpara, hap pas hapi”, shkruan Kim.

Nga ana tjetër, ambasadori i BE, Luigi Soreca deklaron se është e rëndësishme që KED të procedojë me vakancat e mbetura në Gjykatën Kushtetuese sapo Gjykata e Lartë t’i ketë hapur.
“Takova Kryetarin e Këshillit të ri të Emërimeve në Drejtësi, z. Ervin Pupe, së bashku me ambasadoren e SHBA në Shqipëri. Unë e përgëzova Këshillin e ri, i urova sukses në punën e tyre dhe konfirmova mbështetjen e fortë të BE-së, përfshirë edhe ndihmën tonë teknike.

Është e rëndësishme që sapo Gjykata e Lartë të ketë hapur vakancat e mbetura për Gjykatën Kushtetuese, KED do të jetë gati të procedojë, në mënyrë që të sigurojë funksionalitetin e plotë të GJK sa më shpejt të jetë e mundur në muajt e ardhshëm”, shkruan Soreca.  

Të fundit