Flash News

Bazat detare për oligarkët/ Berisha: Pronat e ushtrisë e bënë Bajram Haramin President

Socialistët refuzojnë dy amendamentet e Berishës për projektbuxhetin 2025

Berisha: Si mund të votohet buxheti 8.2 miliardë dhe të mos vendoset minimumi jetik 200 euro për shqiptarët?

Berisha flet nga Kuvendi, mesazh mazhorancës: Unë erdha, ju e dini vetë

Ra nga lartësia në banesën e tij, humb jetën 63-vjeçari në Tiranë

E-TJERA

Kim Mehmeti: Pse në Shqipëri kryeministri bëhet i paprekshëm?

Politiko 20 Prill 2024, 17:36

Kim Mehmeti: Pse në Shqipëri kryeministri bëhet i

Publicisti dhe shkrimtari i njohur, Kim Mehmeti ka komentuar jetën politikë në Shqipëri, teksa është ndalur në arrestimet e fundit të drejtorëve të Bashkisë së Tiranës.

I ftuar në studion e “Kjo Javë” në News24, Mehmeti tha se në Shqipëri shteti po ndërtohet për pushtetarët dhe jo për qytetarët, institucionet po mbrojnë individët dhe pasanikët kanë një marrëdhënie të ndërthurur me politikanët.

Sipas publicistit, nisur nga zyrtarët dhe ish-zyrtarët socialistë që sot janë në qeli, Rama e ka më të lehtë të bëjë mbledhje në burgje, se sa në qeveri.

Mehmeti theksoi se në Shqipëri kryeministri është bërë i paprekshëm për shkak të disa figurave që shfaqen në televizione dhe e lavdërojnë atë duke i dhënë portretin e të paprekshmit, të personalitetit të frikshëm.

“Tirana është e bukur edhe kur e kanë në dorë edhe tiranët, edhe Shqipëria gjithashtu. Shqipëria është shumë e zhurmshme, por ajo që më bie në sy është se Shqipëria gjithnjë e më shumë zhbëhet si shtet dhe nuk kuptohet më kush e sundon Shqipërinë. Politika e sundon Shqipërinë. Nuk dua ta përdor atë shprehjen, pushteti që nuk duket. Gjithnjë e më shumë ke përshtypjen që institucionet këtu nuk janë për të mbrojtur shtetin por individin. Ndërtoni shtet për pushtetarët dhe jo shtet për qytetarët dhe derisa është kështu nuk mund ta definoni kush e drejton atë shtet.

Nuk merret vesh ata pasanikët e drejtojnë këtë shtet apo politikanët i kontrollojnë ata. Çdo gjë është aq e ndërthurur dhe kjo ndodh në shtete që nuk janë institucionale, por janë shtete partiake dhe shpesh herë kam përshtypjen se Shqipëria ndërtohet sipas mendësisë enveriste por disa parti të punës, të cilët fatin e shtetit e barazojnë me fatin personal. Mendojnë se kur është mirë partia…sa më të fortë të jenë partitë aq më shumë dobësohet shteti, sa më shumë pasurohen politikanët tanë, aq më shumë varfërohet populli. Shumë qeveritarë i keni në burgje dhe piktori më kollaj mban mbledhje në burg se sa në qeveri.

Kryetari i Bashkisë së Tiranës ka më shumë drejtorë në burg se në punë dhe e tëra kjo flet shumë për atë që do të shohë, për ata që nuk duan të shohin, kjo s’ka domethënie.  Udhëheqësit politikë shqiptarë nuk e kanë fare frikë popullin. Edhe diktatori nuk lind diktator, por e bëjmë ne duke iu përkulur dhe një ditë bindet se me të vërtetë është fati i popullit. Ne e bëjmë kryeministrin të paprekshëm duke e lavdëruar nëpër studio televizive, si është i paprekshëm dhe ashtu shndërrohet në personalitet i frikshëm sepse ai mund t’i bëjë të gjitha dhe nuk i ndodh asgjë”, tha ai.

 

Të fundit