Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kisha Shqiptare revoltohet ndaj zgjedhjes së Konstandinopojës për peshkop për shqiptarët në Amerikë

Politiko 10 Korrik 2023, 12:06

Kisha Shqiptare revoltohet ndaj zgjedhjes së Konstandinopojës për

Kisha Ortodokse Shqiptare ka reaguar e revoltuar nga zgjedhja e Patriarkanës së Kostandinopojës për peshkop për Dioqezën e saj Shqiptare të Amerikës.

Në fund të muajit të kaluar, Arkimandrit Theofan (Koja) u zgjodh peshkop për Dioqezën Shqiptare të Amerikës të Konstandinopojës ndërkaq sot u mba ceremonia.

U raportua se Arkimandriti Theofan (Koja), një vendas shqiptar, dikur prift i Kishës Ortodokse në Episkopatën Rumune të Amerikës, u zgjodh nga Sinodi i Shenjtë i Konstandinopojës për të zëvendësuar Mitropolitin Ilia (Katre).

Mirëpo, sipas Kishës Shqiptare, Fr. Theofani është një person "përçarës", të cilin Sinodi i Shenjtë i ZÇK-së refuzoi ta shuguronte si peshkop.

Jeta e Arkimandrit Theofan (Arjan) Koja

Arkimandrit Theofan (Arjan) Koja, i njohur për ortodoksët e Shqipërisë si drejtues i aksioneve përçarëse, lindi në Tiranë në vitin 1966. Ndoqi për një kohë seminarin në Durrës dhe më pas shkoi në Rumani.

Më pas, bashkëpunëtori i tij Nikolla Marku, nuk ka reshtur së cilësuari publikisht Kishën Ortodokse Autoqefale të Shqipërisë si greke. Duke përdorur terminologji thjesht nacionaliste dhe politike, Nikolla Marku vazhdon të pushtojë kishën historike ortodokse.

Pas dështimit të tij, Arkimandrit Theofan u vendos në SHBA, ku u bashkua me Kishën Rumune. Ai nuk kërkoi kurrë falje për veprimet e tij përçarëse në vitet e para të restaurimit të Kishës Ortodokse Autoqefale të Shqipërisë.

Së fundmi ai kërkoi të bashkohej me Kishën Ortodokse Greke të Amerikës. Kryepeshkopi Elpidoforos i premtoi ngritjen në Episkopatë dhe me një procedurë të shpejtë, sipas njoftimit zyrtar për shtyp, ai u zgjodh peshkop i Filomelionit “.

Habia është përhapur te ortodoksët e Shqipërisë lidhur me këtë zhvillim të papritur për shkak të këmbënguljes së kryepeshkopit të Amerikës, Elpidoforos.

Të fundit