Flash News

Etel Haxhiaj sfidon policinë amerikane gjatë arrestimit të një emigranti, akuzohet për sulm

Vetëvritet me armën e shërbimit punonjësi i gardës

Sot Kuvendi mblidhet në seancë plenare, çfarë pritet të diskutohet/ Axhenda

Posta e mëngjesit/ Me 2 rreshta: Çfarë pati rëndësi dje në Shqipëri

Ersekë/ I moshuari goditet nga rrufeja, ndërron jetë në vend

E-TJERA

Kishte rrjet në Finlandë dhe drejtohej prej Shqipërisë, si funksiononte grupi i trafikut të d*ogës?

Politiko 3 Qershor 2025, 13:19

Kishte rrjet në Finlandë dhe drejtohej prej Shqipërisë, si

SPAK në bashkëpunim me autoritetet finlandeze kanë goditur një grup kriminal që merrej me trafikun ndërkombëtar të lëndëve narkotike.

Kreu i SPAK, Altin Dumani ka shpjeguar edhe se si funksiononte ky grup kriminal. Dumani tha se drejtuesit e grupit strehoheshin në Shqipëri dhe orientonin trafikun e drogës.

Grupi kriminal kishte një rrjet në Finlandë dhe në mënyrë periodike dërgonte nga Shqipëria përfaqësues që shkonin në baza dhe fillonin shitjen e lëndës narkotike.

"Aktiviteti shtrihet në vite. E dyta organizatorët apo krijuesit e grupit preferonin të rrinin në Shqipëri dhe nga këtu organizonin aktivitetin kriminal. Sot gjykata ka lëshuar 11 masa sigurimi, të gjithë janë shtetas shqiptar, 10 ishin në Shqipëri, një jo. janë 54 persona të proceduar, shumica prej tyre të dënuar në Finlandë. Në Finlandë janë edhe shtetas finlandez, jo vetëm shqiptarë. Edhe shtetësi të tjera. Ajo që ne si SPAK na ka bërë përshtypje është se në hetimet tona është hera e parë që shikojmë grupe kriminale që kanë në fokus edhe droga sintetike. Deri tani kemi parë se kryesisht grupet shqiptare janë pas kokainës, heroinës apo marihuanës e kanabisit. Sasitë janë të mëdha. Kemi kapur edhe ekstazi. Të gjithë e dimë rrezikun që paraqet për shëndetin e konsumatorit këto drogëra sintetike. Ky grup kriminal kishte një rrjet të tyre në Finlandë dhe në mënyrë periodike herë pas herë dërgonin nga Shqipëria përfaqësues të tyre që shkonin në bazat e përcaktuara dhe fillonin shitjen e lëndës narkotike”, u shpreh Dumani.

Të fundit