Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

“Kjo është një luftë”/ Nga zilia te armët, cili do të jetë fati i “betejës së trageteve” në Sarandë?

Politiko 5 Shkurt 2025, 20:55

“Kjo është një luftë”/ Nga zilia te armët,

Por a është me të vërtetë kaq shumë fitimprurës ky biznes, sa të mund të arrihet deri në mendimin për të hedhur në erë tragetet për shkak të konkurencës?

Një luftë e cila nëse nuk do të ishte gjëmimi i eksplozivit në det dhe emri i një viktime që e nxorri në pah, do ta kishim të vështirë ta kuptonin se sa e egër është kjo konkurencë sot.

“Kjo është një luftë midis bizneseve të anijeve… Ky biznes nuk është me fitim aq të madh, sa ç’flitet dhe dëgjohet jashtë, pasi sezoni zgjat vetëm 2-3 muaj dhe gjatë muajve të tjerë anijet duan shërbime, rregullime. Duhet të mbajmë personelin”, shprehet Andrea Qirjako.


Por edhe pse nuk duket të jetë një biznes shumëfitimprurës siç na thuhet, luftrat, qofshin këto edhe brenda bizneseve, ato mesa kuptohet kanë një tipar të vetin të përbashkët, në fillim zilinë dhe pastaj armët.

Siç duket se ka ndodhur edhe në atë që tashmë mund ta quajmë ‘Beteja për tragetet’ në Sarandë.

Ndërkohë që tashmë vëllezërit Qirjako, kërkojnë nga organi i akuzës, që të zgjerohet objekti i hetimit dhe krahas marrjes si të pandehur të Erdion Muhos, subjekti i hetimit të shtrihet edhe te biznesmeni grek Petro Papikinos.

Kjo sipas vëllezërve Qirjako, pasi autorët duhet të përgjigjen si për kryerjen e krimeve të konkurrencës së paligjshme nëpërmjet dhunës, ashtu dhe të vrasjes me dashje indirekte, në dëm të viktimës Armandi Nelaj, që humbi jetën mbrëmjen e datës 24 Qershor 2024, ndërsa po shkonte të vendoste minën e telekomanduar në një nga tragetet në pronësi të rivalëve në biznesin e trageteve.

Aktualisht në Portin e Sarandës, operojnë në fushën e transportit detar 4 kompani që kryejnë linjën Sarandë – Korfuz.

Konkretisht kompanitë ‘Finikas’, ‘Joy Cruise’, ‘Terini Travel Agency’ si dhe ‘Albania Luxury Ferries’.

Kjo e fundit e cila zotërohet nga bashkëshortja e ish-ministrit të Brendshëm Saimir Tahiri, Fatlinda Tahiri si dhe grekët Evangelia Barmpagianni dhe Konstantinos Antiochos.

Antiochos deri në vitin 2017 ka qenë ortak me Shpëtim Muhon, pronarin e ‘Joy Cruise’, babain e Erdion Muho, por që po këtë vit u prishën në ortakërinë e tyre për një nga tragetet, ndërsa në vitin 2023 u prishën edhe për tragetin tjetër. News 24

Të fundit