Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

KLGJ i propozon 4 gjyqtarë presidentit Meta për Gjykatën e Lartë

Politiko 12 Mars 2021, 15:28

KLGJ i propozon 4 gjyqtarë presidentit Meta për Gjykatën e

Këshilli i Lartë Gjyqësor i ka propozuar Presidentit të Republikës, Ilir Meta katër emra nga radhët e sistemit gjyqësor që e kanë kaluar vettingun për t’u emëruar në Gjykatën e Lartë. Sokol Binaj, Albana Boksi, Sandër Simoni dhe Klodian Kurushi janë gjykatësit e propozuar nga KLGJ.

Gjykata e Lartë pritet të plotësohet dhe ka aktualisht 3 gjyqtarë të emëruar në mars të vitit 2020 nga radhët e juristëve, kurse emrat e propozuar sot janë nga radhët e gjyqtarëve.

Njoftimi i KLGJ-së:

Sot, në datën 12.03.2021, Këshilli i Lartë Gjyqësor, i propozon Presidentit të Republikës katër gjyqtarët e parë nga radhët e sistemit gjyqësor për t’u emëruar në Gjykatën e Lartë, krahas tre gjyqtarëve të emëruar në Mars 2020 nga radhët e juristëve të spikatur. Ky propozim çon një hap më përpara përmbushjen e një prioriteti kombëtar dhe të integrimit evropian për funksionalizimin e plotë të kësaj gjykate.

Me miratimin e udhërrëfyesit për efikasitetin e Gjykatës së Lartë, Këshilli ka avancuar me prioritet përpjekjet që Gjykata e Lartë të rifitojë kuorumin e nevojshëm  për adresimin e çështjeve të prapambetura si dhe për të çuar më tej objektivat thelbësore të reformës në drejtësi përmes konsolidimit të një gjyqësori plotësisht të pavarur, të paanshëm, të përgjegjshëm, efikas dhe profesional.

Emërimi i këtyre gjyqtarëve të rinj, të cilët e kanë kaluar me sukses procesin e rivlerësimit kalimtar, është një garanci për përmbushjen me përgjegjshmëri dhe profesionalizëm te sfidave të reja dhe, mbi të gjitha,  nevojës për të rritur besimin e qytetarëve shqiptarë në sistemin gjyqësor.

Emrat e gjyqtarëve që i propozohen Presidentit të Republikës për emërim në Gjykatën e Lartë janë si më poshtë vijon:

1)                 Z. Sokol Binaj;

2)                 Znj. Albana Boksi;

3)                 Z. Sandër Simoni;

4)                 Z. Klodian Kurushi;

Të fundit