Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kodi i ri Penal, flet njëri nga hartuesit e draftit: Kemi marrë modele dhe praktika të huaja

Politiko 1 Gusht 2025, 19:27

Kodi i ri Penal, flet njëri nga hartuesit e draftit: Kemi marrë modele

Një prej ekspertëve dhe hartues i draftit të Kodit të ri Penal, gjyqtari dhe kreu i unionit të Gjyqtarëve Gerd Hoxha, insiston se me hapjen e debatit publik, konsultimet do sjellin përmirësimin e projektit për kodin e ri penal.

Gjatë një interviste për TCH gjyqtari kujton ftesën që u është drejtuar të gjithë aktorëve gjatë punës fillestare, perfshire prokurorinë e përgjithshme, gjykataën e lartë dhe SPAK.
“Janë ftuar për të marrë pjesë të gjithë aktorët dhe faktorët e sistemit të drejtësisë, vendas dhe të huaj. Unë kam qenë pjesë e një grupi pune në përfundim të draftit në shtator të vitit 2023 dhe kam parë që në atë grup kanë qenë përfaqësues nga të gjitha shkallët e gjyqësorit, pedagogë të nderuar, përfaqësues së dhomës së avokatisë dhe përfaqësues të partnerëve ndërkombëtar.

Kemi punuar pa pushim nga mëngjesi në darkë, vlerësoj shumë mendimet e prokurorit të përgjithshme z.Çela dhe kryeprokurorit z.Dumani. Është draft, jo variant përfundimtar. Kontributi i tyre në këtë draft do të jetë mëse i rëndësishëm dhe do bëjë që të jetë më cilësor“, tha Hoxha. 

E megjithatë kritikave për një kod penal represiv gjyqtari Hoxha ju përgjigjet se ekspertët e fushës kanë marrë modele nga praktikat e huaja që në vijim do të aktualizohen, një ndër ta edhe ai që prek sekretet e për pasojë mediat.

“Janë marrë modele nga vendet e përparuara perëndimore si Gjermania, Faranca e Italia”.

Edhe për  nenin 236 të Kodit të ri penal ku parashikohet burg për përbaltjen e presidentit deri tek dëshmorët e atdheut.

“Është një zgjerim i kodit aktual, janë shtuar dhe disa figura të tjera si presidenti i Republikës. Gjithsesi ky është një draft”.

Por eksperti shton se mbasi përfunduan draftimin nuk disponon informacion se përse ky material u publikua gati një vit me vonesë.

Të fundit