Kombësia më e madhe që ka aplikuar për azil, pse po emigrojnë shqiptarët drejt Britanisë së Madhe?

Numri i azilkërkuesve nga Shqipëria që drejtohen në brigjet britanike është rritur në mënyrë të ndjeshme vitet e fundit dhe kjo ka bërë që qeveria e Mbretërisë së Bashkuar të synojë shtetasit shqiptarë në masat e saj për të parandaluar kalimet me gomone përmes Kanalit.

Qeveria pritet të zbulojë planet të martën për t'i bërë të papranueshme kërkesat për azil nga ata që kalojnë kanalin për në Mbretërinë e Bashkuar, duke kërkuar largimin e emigrantgëve në një vend të tretë e duke i ndaluar të kthehen sërish në Britani apo të këkrojnë shtetësi, sipas iNews.

Plani vjen pasi ministrat u zotuan dhe riatdhesojnë shpejt numrin e madh të shqiptarëve që kalojnë Kanalin Anglez me gomone.

Deputetët kanë veçuar më parë shtetasit shqiptarë që kalonin Kanalin, dhe Sekretarja e Brendshme Suella Braverman që komentoi në fund të vitit të kaluar se kishte një rritje të numrit të të ardhurve shqiptarë, përgjithësisht të rinj, burra beqarë që ishin ose pjesë e bandave të organizuara kriminale ose të përfshirë në veprimtari kriminale si droga.

Kryeministri i Shqipërisë Edi Rama iu kundërpërgjigj atyre komenteve, duke thënë në nëntor të vitit të kaluar se Mbretëria e Bashkuar po synonte në mënyrë të rreme shqiptarët “si shkaku i krimit dhe problemeve të saj kufitare” dhe sulmoi atë që ai e quajti “retorikë të çmendur”.

Sa azilkërkues në MB janë shqiptarë?

Shqiptari ishte kombësia më e zakonshme që aplikonte për azil në MB vitin e kaluar, sipas shifrave të publikuara nga Home Office muajin e kaluar.

Në vitin 2022 ka pasur 14,223 aplikime nga azilkërkuesit shqiptarë dhe 9,573 prej tyre kanë ardhur nga njerëz që kanë mbërritur me varka pasi kanë kaluar Kanalin. Shumica e aplikantëve nga Shqipëria – 83 për qind, ose 11,832 – ishin meshkuj të rritur.

Është një rritje e ndjeshme krahasuar me vitet e mëparshme, kur rreth 800 shqiptarë mbërritën në Britaninë e Madhe me varka të vogla në vitin 2021 dhe 50 një vit më parë.

Në dhjetor, kryeministri Rishi Sunak zbuloi planet për të përshpejtuar largimin e emigrantëve shqiptarë sipas masave për të shtrënguar ligjet moderne të skllavërisë.

Ai njoftoi një marrëveshje të re me qeverinë shqiptare që synon parandalimin e migrimit të njerëzve nga vendi në MB, e cila do të përfshijë vendosjen e zyrtarëve të Forcave Kufitare të Mbretërisë së Bashkuar në Tiranë për të përçarë bandat kriminale.

Pse njerëzit largohen nga Shqipëria?

Më shumë se gjysma e emigrantëve që pretenduan se ishin viktima të skllavërisë moderne pasi kaluan Kanalin në gjysmën e parë të vitit të kaluar ishin shqiptarë, sugjerojnë shifrat e Home Office.

Nga 1,156 personat e regjistruar si pretendime të tilla midis janarit dhe qershorit 2022, 591 ishin shqiptarë, sipas shifrave të ofruara nga departamenti pas një kërkese për lirinë e informacionit nga grupi i fushatës Migration Watch.

Sipas shifrave të publikuara në janar, numri i shqiptarëve që thanë se ishin viktima të skllavërisë moderne në gjashtë muajt e parë të vitit 2022 është më shumë se dyfishi i shifrës për të gjithë vitin 2021.

Kryetari i Migration Watch, Alp Mehmet, tha në atë kohë se “shqiptarët dhe trafikantët e tyre kanë identifikuar një boshllëk të madh në legjislacionin tonë dhe po e shfrytëzojnë atë deri në fund”.

Megjithatë, Mark Davies, nga Këshilli i Refugjatëve, paralajmëroi se ishte e rrezikshme të supozohej se të gjithë shqiptarët po falsifikojnë pretendimet për skllavërinë moderne.