Flash News

Me kapuç në kokë/ PD publikon videon e patronazhistëve që ikin me vrap

Zgjedhjet 2025, përfundon zyrtarisht orari i votimit

Tensione te streha e patronazhistëve në Tiranë, Braçe shpërthen në kërcënime, policia rri duarkryq

U procedua penalisht, reagon Flamur Noka: Preka interesat e mafies së pushtetit në Vorë

Kërkesa e PS për shtyrjen e orarit të votimit në Vlorë, dështon mbledhja e KQZ

E-TJERA

Kombëtarja e vajzave zyrtarizon dy ndeshje miqësore kundër Maqedonisë së Veriut dhe Kenias

Politiko 30 Mars 2023, 13:57

Kombëtarja e vajzave zyrtarizon dy ndeshje miqësore kundër

Kombëtarja shqiptare e vajzave do të luajë dy ndeshje miqësore kundër Maqedonisë së Veriut dhe Kenias në muajin prill. Federata Shqiptare e Futbollit ka rënë dakord me dy federatat përkatëse për zhvillimin e këtyre dy miqësoreve në vendin tonë në muajin e ardhshëm.

Takimi i parë i planifikuar i Shqipërisë së vajzave është ai kundër përfaqësueses së Maqedonisë së Veriut më 7 prill, në stadiumin ‘Elbasan Arena’, në ora 16:00, ndërsa miqësorja e dytë është programuar të zhvillohet katër ditë më vonë, kundër Kenias, po në stadiumin ‘Elbasan Arena’ në ora 16:00.

Vajzat kuqezi do të nisin grumbullimin nën drejtimin e trajnerit Armir Grima më 5 prill në Tiranë, ndërsa tekniku shqiptar do të shpallë listën me futbollistet e grumbulluara pas pak ditësh. Po në qytetin e Durrësit do të qëndrojë edhe përfaqësuesja keniane, që ka parashikuar të grumbullohet në Shqipëri më 8 prill dhe të gjitha shpenzimet e ekipit mik nga Kenia do të mbulohen nga Federata Shqiptare e Futbollit.

Në rast se ekipi i Kenias nuk do të pajiset me viza shqiptare në kohën e duhur, atëherë miqësorja do të anullohet.

Këto dy miqësore kundër Maqedonisë së Veriut dhe Kenias janë një mundësi shumë e mirë për trajnerin Grima dhe stafin e Kombëtares A për të vëzhguar e testuar vajzat kuqezi, duke qenë se për momentin nuk janë të angazhuara në impenjime zyrtare me ndeshje të nivelit UEFA-s apo FIFA-s. Gjatë muajit prill, Shqipëria do të njohë edhe kundërshtaret e kualifikueseve të Europianit të ardhshëm.

Të dyja këto kundërshtare mbartin edhe një specifikë shumë të veçantë për Shqipërinë e vajzave. Kjo pasi, Maqedonia e Veriut është edhe ekipi i parë me të cilën është përballur Kombëtarja e vajzave në historinë e saj, pikërisht më 5 maj të vitit 2011, ndërsa me përfaqësuesen e Kenias do të luajë për herë të parë në historinë e saj.

Të fundit