Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kombëtarja/ Reja: Impenjim maksimal në dy ndeshjet e mbetura, mungojnë Balliu dhe Manaj

Politiko 8 Nëntor 2021, 14:34

Kombëtarja/ Reja: Impenjim maksimal në dy ndeshjet e mbetura,

Trajneri i Kombëtares shqiptare, Edoardo Reja ka dalë sot në konferencën zyrtare për media, në kuadër të dy ndeshjeve kualifikuese të vlefshme për kampionatin botëror “Katar 2022” kundër Anglisë më 12 nëntor dhe tre ditë më vonë ndaj Andorrës në stadiumin “Air Albania.

Teksa iu përgjigj interesit të gazetarëve, tekniku Reja foli edhe për objektivat dhe atë çfarë pret nga skuadra në këto ndeshje si dhe theksoi se skuadra ka pasur rritje dhe është bërë më kompetitive, duke luajtur si e barabartë me këdo. Tekniku kuqezi foli në edhe lidhje me listën e lojtarëve që ka grumbulluar për këto dy sfida, për mungesat e Balliut dhe Manaj si dhe për ecurinë e portierëve të Kombëtares dhe u ndal edhe te rasti i Kumbullës skuadra e Romës si dhe komentoi për herë të fundit çështjen “Xhaka”.

“Do të shkojmë në Ëembley për të dhënë dhe marrë maksimumin nga kjo ndeshje. Ky është synimi që ne kemi për këto ndeshje që të bëjmë dy ndeshje dhe dy paraqitje sa më të mira. Humbja me Poloninë komprometoi ndjeshëm shpresat tona, shanset që ne kishim për të arritur play-offin. Megjithatë ne jemi ende në garë, përderisa matematika na e lejon, dhe ne duhet të shpresojmë deri në fund. Na pret një ndeshje shumë e vështirë ndaj Anglisë por ne do të shkojmë me synimin për të marrë maksimumin”, tha Reja.

Lidhur me mungesat e Balliu dhe Manajt, Reja u shpreh se shkak janë bërë problemet shëndetësore dhe fizike të të dy lojtarëve.Përveç tyre, kombëtares shqiptare do t’i mungojnë edhe Abrashi e Gjimshiti.

“Nuk ka qenë në formë shumë të mirë fizike, ka pasur disa probleme shëndetësore dhe menduam të bënte pak pushim dhe të kishte mundesi të punonte me klubin dhe të rikuperohej. Edhe Balliu ka një problem shëndetësor, me muskujt e barkut pavarësisht se ka luajtur me klubin por kam folur me të dhe do t’i nënshtrohet testeve dhe do të bëjë edhe injeksione për të shmangur problemet. Kisha shumë dëshirë ta shihja nga afër Balliun. Doja ta aktivizoja edhe në ndeshjen ndaj Polonisë por nuk ishte e mundur. Do më duhet ta shtyj për një herë tjetër dhe ndoshta i bie në ndeshjet e vitit të ardhshëm. Më vjen keq sepse doja ta provoja. Kemi edhe mungesa të tjera si Abrashi dhe Gjimshiti, lojtarë shumë të rëndësishëm por do bëjmë më të mirën me këto që kemi”, u shpreh Reja.

Reja garantoi impenjim të plotë të kombëtares në dy ndeshjet e ardhshme.

“Ne do të impenjohemi maksimalisht në dy ndeshjet e mbetura, qoftë me Anglinë apo Andorrën për të shpresuar deri në fund. Shpresojmë që Hungaria të ndalë Poloninë dhe të na japë një dorë duke ndalur Poloninë. Lojtarëve do tu kërkoj të japin maksimumin si ndaj Anglisë ashtu edhe ndaj Andorrës, pasi duam pikë. Ky është synimi ynë. Pasi të mbarojnë këto dy ndeshje do të bëjmë analizat tona për të parë çfarë kemi bërë mirë apo keq”, tha Reja.

Sa i përket propozimit për Taulant Xhakën, Reja shprehet se futbollisti nuk është treguar i sinqertë me kombëtaren shqiptare.

“Xhaka nuk është i sinqertë, po gënjen dhe po tallet me ne. Nuk e kam ftuar vetëm një herë sepse nuk po luante me skuadrën dhe kishte probleme fizike e kam thirrur vazhdimisht por më pas na ka refuzuar”, tha Reja.