Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Komisioni Hetimor paraqet deklaratat dhe postimet në Facebook si prova për shkarkimin e Metës

Politiko 17 Maj 2021, 14:24

Komisioni Hetimor paraqet deklaratat dhe postimet në Facebook si prova

Presidenti Ilir Meta

Komisioni Hetimor për shkarkimin e Presidentit Ilir Meta gjatë mbledhjes së sotme paraqiti disa deklarata të tij, të siguruara nga AMA, duke argumentuar se janë provat që ai ka shkelur ligjin.

Në materialet që ishin përzgjedhur nga komisioni ishin përplasjet e Metës me policinë bashkiake në selinë e Frymës së Re Demokratike, ndërsa një tjetër deklaratë që u evidentua ishte, kur Kreu i Shtetit i bën thirrje qytetarëve që në 25 prill të rrëmbejnë sfurqet për të mbrojtur votën. Sipas Komisionit, këto dhe deklarata të tjera tëtë Metës , janë prova që ai ka shkelur Kushtetutën.

"Në argumentet që japim, nëse e keni kërkesën përpara është lidhja një, ku citohen materialet që bazohen argumentet e kolegëve. Një pjesë e materialeve kanë të bëjnë me emisione televizive, një pjesë tjetër janë poste në Facebook.

Pjesën e materialeve audio-vizive, të gjithë kolegët mund t’i kenë në celularët e tyre dhe mund t’i shohim vetë. Për efekt të procedurës ne i shfaqim, por është mirë që edhe anëtarët e komisionit t’i kenë këto pamje. Teksti i parë në 21 mars, në FrontLine.

‘Ndëshkoni pamëshirë, këdo që ju blen votën, një votë po u prek do i pritet dora, nëse Rama fiton 71 mandate në mënyrë të ndershme, jap dorëheqjen dhe dal në opozitë. Tani Live më shkruajti Yuri Kim për të mos përmendur sfurqet, unë i them ambasadores që mos mbështet Edi Ramën. Patronazhistët janë duke u fshehur sepse kanë frikë se i kapin qytetarët dhe i kërkojnë llogari për publikimin e të dhënave.

1.04.2021, ABC News, Ilri Meta nuk pyet për gangsterët, kam një paralajmërim për mafien. Intervistë për një televizion në Vlorë, Meta: Qeveria po tenton marifetet por do e ketë të pamundur", tha anëtarja Klotilda Bushka.

Ndërkohë anëtari tjetër Spartak Braho u shpreh se janë rreth 40 postime në rrjetet sociale të Metës, që kanë përmbajtje fyese.

"Vrojtova me shumë kujdes të gjitha deklarata e presidentit, në mediat elektronike dhe postimet personale që ka bërë në rrjete sociale. Janë rreth 40 postime totalisht në kundërshtim me ligjin, fyerje ndaj funksionarëve shtetërore dhe ndërkombëtarëve", u shpreh ai.

Më 3 maj, 49 deputetë socialistë dorëzuan në Kuvend kërkesën për të nisur procedurat për shkarkimin e Presidentit Ilir Meta. Ata e akuzojnë atë për shkelje të rëndë të Kushtetutës, mbështetje të opozitës dhe se ka shpërndarë mesazhe që nxisin dhunë.

Kjo është hera e dytë që socialistët e ndërrmarrin këtë nisëm. Nga ana tjetër, Meta është shprehur se nuk do të largohet pa i mbaruar mandati, më korrik të 2022. Sipas tij, deputetët nismëtarë po iu binden urdhrave politikë.