Komisioni Jashtëm i PE miraton rezolutën për Shqipërinë: Ndëshkimi i blerjes së votës, kusht për negociatat

Komisioni i Jashtëm i Parlamentit Europian (AFET) miratoi këtë të enjte raportin për progresin e Shqipërisë në rrugën drejt BE-së, ndërsa në fokus ka renditur përmbushjen e 15 kushteve për hapjen e negociatave.

Sot u miratuan amendimet e mëposhtme të propozuara nga Grupi PPE:

Zgjedhjet

Shpreh shqetësim mbi pretendimet e blerjes së votave dhe kujton se ndjekja penale e këtij fenomeni është ndër kushtet e vendosura nga Këshilli në 25 Mars 2020

Më rëndësi është që përgatitjet për zgjedhjet parlamentare 2021 të zhvillohen në një mënyrë transparente dhe gjithëpërfshirëse; të gjitha forcat politike, organet shtetërore, shoqëria civile dhe media kanë një detyrë të përbashkët për të siguruar një fushatë elektorale transparente, të besueshme dhe objektive, të lirë nga dezinformimi, kërcënimi dhe akuzat e rreme. Zgjedhjet janë thelbësore për integrimin në BE;

Udhëheqësit politikë për të krijuar një klimë besimi duhet të kapërcejnë mungesën e dialogut dhe shpreh shqetësimin serioz në lidhje me klimën politike të polarizuar dhe mungesën e bashkëpunimit të qëndrueshëm ndërpartiak që vazhdojnë të pengojnë procesin demokratik; kujton rëndësinë e dialogut konstruktiv politik për të përparuar me procesin e reformës dhe progres të mëtejshëm në sigurimin e funksionimit normal demokratik të institucioneve;

Reforma elektorale

Nënvizon rëndësinë e zbatimit të masave të reformës zgjedhore të ndryshuar në korrik 2020, të cilat janë në përputhje me rekomandimet e OSBE-së për Institucionet Demokratike dhe të Drejtat e Njeriut (OSBE / ODIHR).    

Mirëpret rezultatin pozitiv të marrëveshjes së 5 qershorit 2020, e cila zbaton disa nga rekomandimet e OSBE / ODIHR dhe vë në dukje dështimin për të ndërtuar mbi të dhe  fakti që përkundër thirrjeve të përsëritura ndërkombëtare për të pritur mendimin e Komisioni i Venecias janë ndërmarrë hapa të mëtejshëm pa një konsensus të gjerë ndërpartiak duke rezultuar në miratimin e ndryshimeve të Kodi Zgjedhor në Tetor 2020 nga Parlamenti Shqiptar.

Reforma në Drejtësi

Vlerëson progresin e bërë në zbatimin e reformës gjithëpërfshirëse gjyqësore, mbështetur nga procesi i verifikimit dhe krijimi i institucioneve përkatëse dhe të specializuara. Bëhet thirrje për përshpejtimin e këtyre procedurave në mënyrë që të arrihet një ndryshim i prekshëm në mënyrë të pavarur si një parakusht për  konferencën e parë ndërqeveritare.

Nënvizon problemet në lidhje me pastrimin e parave, veçanërisht në sektorin e ndërtimit dhe të pasurive të patundshme (AM 125)”;

Inkurajon zbatimin e plotë të rekomandimeve të Komisionit të Venecias të 19 Qershorit 2020 për të paketën anti shpifje. 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm