Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kompania shkel vendimin e gjykatës/ HEC-et ‘e pezulluara’ në Valbonë i shesin energji OSHEE-së

Politiko 24 Janar 2022, 09:14

Kompania shkel vendimin e gjykatës/ HEC-et ‘e pezulluara’

Gjykata e Lartë urdhëroi pezullimin e punimeve për dy HEC-e që do të ndërtoheshin në luginën e Valbonës. Por me gjithë vendimin e gjykatës, punimet nuk janë ndërprerë.

EURACTIV raporton se duke shkelur vendimin e gjykatës për pezullimin e punimeve, përveç faktit se ndërtimi i tyre vazhdon, këto dy hidrocentrale në Valbonë i kanë shitur energji edhe OSHEE. Banorët kanë protestuar vazhdimisht duke kërkuar ndërprerjen dhe pezullimin e projektit, në një zonë të mbrojtur.

Vendimi i marrë nga Gjykata e Lartë në korrik 2021 thotë se të gjitha licencat dhe lejet e projekteve të HEC-eve janë pezulluar, domethënë çdo funksionim i impianteve është i paligjshëm, deri në përfundim të gjykimit në Gjykatën Administrative.  Banorët po sfidojnë vlefshmërinë e kontratës së koncesionit dhe çështjet gjyqësore janë në vazhdim. Prandaj, vlefshmëria e vendimit të Gjykatës së Lartë mbetet në fuqi për të ardhmen e parashikueshme.

Sipas të dhënave të marra nga BIRN, vetëm në dhjetor, pesë muaj pasi iu ndalua puna, dy HEC-et i kanë shitur 5648 MWh energji elektrike një kompanie që është pjesë e OSHEE.

Nga ana tjetër, vetë OSHEE deklaroi se nuk ishte në dijeni se Gjykata e Lartë kishte vendosur ndërprerjen punimeve, ndërkohë që jo vetëm vendimi i gjykatës, por e gjithë dinamika e betejës për HEC-et në Valbonë, është bërë mëse publike në media.

Ministria e Energjisë dhe Infrastrukturës tha se është përgjegjësi e Zyrës Përmbarimore Tropojë të informojë institucionet. Përmbaruesi i Tropojës Eduart Mrishaj tha se paditësit, mes tyre edhe drejtoresha e TOKA-s, Catherine Bohne, nuk kishin bërë denoncim zyrtar në zyrën e tij.

Një zëdhënës i Gener2 tha për EURACTIV se uji që kalonte nëpër termocentrale nuk prodhonte energji elektrike dhe për këtë arsye, ata ishin në përputhje me rregullat. Ata nuk kanë shpjeguar sesi kanë arritur t'i shesin energjinë OSHEE-së nëse termocentralet nuk prodhojnë energji elektrike.

Të fundit