Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Komshiu ngre mur pa leje dhe hap derë ngjitur me dritaret, IMT mban peng qytetaren

Politiko 3 Tetor 2025, 20:52

Komshiu ngre mur pa leje dhe hap derë ngjitur me dritaret, IMT mban peng

Qytetarja Suzana Gjoni ka denoncuar një ndërtim të paligjshëm nga komshiu i saj, ndërsa institucionet heshtin ose japin premtime boshe.

Suzana Gjoni iu drejtua emisionit investigativ “Fiks Fare” për të kërkuar ndihmë, pasi për më shumë se një vit ka kërkuar drejtësi në çdo institucion përkatës, por është përballur vetëm me mashtrime dhe neglizhencë.

Sipas denoncimit, komshiu i saj mori një leje për rikonstruksion banese, por në mënyrë të kundërligjshme ngriti një mur më të lartë se ç’ishte më parë dhe hapi një derë ngjitur me dritaret e dhomave dhe tualetit të zonjës Gjoni. Kjo sjellje jo vetëm që cënon privatësinë dhe sigurinë e saj, por është një ndërhyrje e qartë në strukturën ekzistuese, për të cilën nuk kishte leje.

E lodhur nga neglizhenca, Suzana iu drejtua prokurorisë, e cila fillimisht vendosi mosfillimin e hetimeve. Megjithatë, gjykata rrëzoi këtë vendim dhe urdhëroi regjistrimin e procedimit penal dhe rihapjen e hetimeve, duke konfirmuar seriozitetin e shkeljeve të pretenduara.

Një pjesë e rëndësishme e kësaj historie është edhe roli i Kryeinspektorit të IMT-së në Durrës, z. Dorian Mema, i cili sipas mesazheve të vendosura në dispozicion nga vetë qytetarja, i ka premtuar personalisht se “do ta prish vetë murin” dhe “do mbyllet dera, mos ki merak”. Por pavarësisht këtyre fjalëve, asnjë veprim konkret nuk është ndërmarrë për më shumë se një vit.

Madje në shkresat zyrtare, z. Mema e mohon ekzistencën e shtesave në vëllim, duke kundërshtuar vetveten dhe duke u shfaqur krejt ndryshe në komunikimet zyrtare krahasuar me ato private me qytetaren.

Kur gazetarët e Fiks Fare shkuan për ta takuar, Mema deklaroi se kishte dhënë dorëheqjen pikërisht atë ditë, por premtoi se “dera do mbyllet edhe nëse ai ikën nga detyra”./TCH

Të fundit