Flash News

Shkodër, familjarët gjejnë të varur 65-vjeçaren

Burgu i Durrësit ‘bastion’ i PS

Demokratët fitojnë bindshëm Kavajën

Blinin vota për PSD, në pranga një person, shpallet në kërkim kryeplaku i fshatit në Kukës

Përmbysja e rezultatit në Lezhë, PD-ASHM siguron 4 deputetë

E-TJERA

Konfirmohet rasti i parë i gripit të pulave në Durrës, ministria e Bujqësisë: Mishi mund të konsumohet

Politiko 20 Mars 2022, 12:03

Konfirmohet rasti i parë i gripit të pulave në Durrës,

Ministria e Bujqësisë ka njoftuar se është konfirmuar rasti i parë Influencës Aviare i tipit H5N8 në Durrës ose i njohur ndryshe edhe si gripi i pulave.

Hetimi epidemiologjik ka nisur menjëherë pasi  500 mijë pula ngordhën në dy pulari të Durrësit, Ministria njofton se analizat në kampionet dhe në i stabilimente të ndryshme, në të gjithë vendin, marrë gjatë kësaj periudhe konfirmonin sëmundjen e laringotrakeik, gjendur vetëm në dy stabilimente në Durrës.

Rasti në fjalë është izoluar dhe është vendosur karantinimi, për të kufizuar përhapjen e sëmundjes te shpendët e tjera, dhe jo vetëm, por edhe te produktet dhe nënproduktet e tyre.

Ministria e Bujqësisë këshillon se mishi i shpendëve të llojit pulë është i konsumueshëm, sugjerohet të mbahet në temperatura mbi 70°C dhe vezët po ashtu të jenë të mirëgatuara. Ministria thekson se nuk ka asnjë provë që virusi të transmetohet te njerëzit përmes ushqimit.

“Nuk ka prova epidemiologjike se ky virus mund të transmetohet tek njerëzit përmes ushqimit (shpendëve e vezëve). Virusi është i ndjeshëm ndaj nxehtësisë dhe dezinfektuesve po ashtu, prandaj praktikat e mira higjienike (dezinfektimi i sipërfaqeve) dhe higjiena personale (larja e duarve) ndihmon në kontrollin e rrezikut. Nëpërmjet Autoritetit Kombëtar të Ushqimit njoftojmë konsumatorët se ushqimet me origjinë shpendore në treg janë brenda standardeve të gjurmueshmërisë dhe janë të verifikuara nga inspektorët tanë, të cilët po rivërejnë në terren çdo subjekt tregtues, përpunues mishi shpendësh për një perputhje të plotë të gjurmueshmërisë”, njofton ministria.

Të fundit