Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Konfiskohet pasuri me vlerë 3 mln euro në Elbasan, i përkiste 31-vjeçarit me precedentë kriminalë

Politiko 28 Tetor 2022, 14:29

Konfiskohet pasuri me vlerë 3 mln euro në Elbasan, i përkiste

Është konfiskuar një pasuri me vlerë 3 milionë euro në pronësi të një 31-vjeçari me precedentë kriminalë në tre shtete: Mbretëri e Bashkuar, Holandë dhe Shqipëri.

Sipas policisë, dyshohet se pasuria e konfiskuar rrjedh nga aktiviteti kriminal i Emiliano Shegës. Ky i fundit është dënuar në Angli për trafikim të lëndëve narkotike dhe mbajtje të armëve ofensive, është arrestuar në Holandë për trafikim narkotikësh dhe i dënuar në Shqipëri për armëmbajtje pa leje dhe falsifikim dokumente.

Konkretisht është sekuestruar: sipërfaqe toke 45 000 m2, 1 apartament me sipërfaqe 130 m2, 2 garazhe me sipërfaqe 230 m2, 1 vile dykatëshe me sipërfaqe 500 m2 dhe 1 apartament me sipërfaqe 111 m2.

Njoftimi i policisë:

Konfiskohen pasuri me vlerë 3 milionë euro, në pronësi të një shtetasi me precedentë kriminalë në Mbretërinë e Bashkuar, Holandë dhe Shqipëri.

Finalizohet operacioni policor i koduar “Fasada 3”.

Specialistët e Seksionit për Hetimin e Krimeve Ekonomiko-Financiare të DVP Elbasan, në bashkëpunim me Agjencinë e Administrimit të Pasurive të Sekuestruara dhe të Konfiskuara, në zbatim të vendimit të Gjykatës së Posaçme të Apelit për Korrupsionin dhe Krimin e Organizuar, në kuadër të operacionit policor të koduar “Fasada 3”, kanë konfiskuar pasuri me vlerë rreth 3 milionë euro, që dyshohet se e kanë burimin nga veprimtaria kriminale e shtetasit E. Sh., 31 vjeç, banues në Peqin.

Shtetasi E. Sh. është dënuar në Mbretërinë e Bashkuar, për trafikim të lëndëve të forta narkotike dhe për mbajtje të armëve ofensive, është arrestuar në Amsterdam, Holandë, për trafikim të narkotikëve, si dhe është dënuar në Shqipëri, për mbajtje pa leje të armeve luftarake dhe falsifikim të dokumenteve.

Konkretisht, në zbatim të vendimit të Gjykatës u bë i mundur konfiskimi i pasurive si më poshtë:

Pjesë toke (kullotë) me sipërfaqe 45 000 m2, në fshatin Gjilek, Himarë;
1 apartament me sipërfaqe 130 m2, në Tiranë;
2 garazhe me sipërfaqe 230 m2, në Tiranë;
1 vile dykatëshe me sipërfaqe 500 m2, në Peqin;
1 apartament me sipërfaqe 111 m2, në Kryevidh, Kavajë.

 

Të fundit