Konflikti me Rusinë, ekspertët në Politiko: Shkrepja e parë në Ukrainë, përkthehet në konflikt të dyfishtë në Ballkan

Konflikti Rusi-Ukrainë dhe frika e luftës mes superfuqive është tema e diskutimit në emisionin ‘Politiko’ në Top News mbrëmjen e sotme.

Ekspertët dhe njohës të marrëdhënieve ndërkombëtare Dritan Demiraj. Adri Nurellari, Teuta Vodo, Dritan Hoti dhe Gert Bogdani kanë analizuar jo vetëm situatën aktuale, por edhe deklaratën e fundit të ministrit të Jashtëm rus, Lavrov, i cili tha se mercenarë nga Kosova, Shqipëria dhe Bosnja e Hercegovina janë vendosur në rajonin e Donbas.

Sipas tyre, kjo deklaratë e ministrit rus është në vazhdën e dezinformimit, por pas saj përcillen edhe mesazhe.

Dritan Demiraj: Është dezinformim. Ka pasë deklarata nga ministria e Jashtme që e ka etiketuar Kosovën e Shqipërinë si rrezik për Ballkanin. Rusia nga 2013 2017 i ka dhënën ISIS 5500 luftëtarë. Është në kushtet e propagandës, këtu kanë pasë pak hapësirë, por prej kohësh ka pasë sulme drejt Kosovës që nga pengimi në cdo institucion ndërkombëtar të agjencive të ndryshme të Kosovës.

Duan ti japin armë shtesë Vucici për presionin e madh sa herë Kosova rezilin ndonjë mision të caktuar në kufi.

Adri Nurellari: Duan të ndërtojnë përpjekje për justifikim. Skenar që po gatuhet për krijimin e idesë se Rusia është e kërcënuar nga një pastrim etnik. Ka të bëjë me përpjekjen për të ndërtuar disa tema negocimi të konflikteve të ngrira në Ballkani Perëndimor si një sinjal se nëse ka tërheqje ruse mund të jetë një prej fushave të kompromisit për të pasur ujdi, si Kosova dhe Bosnje Hercegovina.

Është formë kërcënimi, Rusia luan politikën e forcës. Me këtë retorik që ‘ua sjell trazirat në shtëpinë tuaj’. Retorika e tyre është ‘Nëse ndërhyni këtu, unë ju vij në oborrin tuaj’. Përballja mes superfuqive do sillte shkatërrimin e dyanshëm.

Dritan Hoti: Ballkani u përmend për një elektrizim të situatës, por ky nuk do ketë asnjë rol për dinamikën e zhvillimeve në Ukrainë. Duhen parë opsionet e krizës në Ukrainë, por Ballkani është zonë e influencave të Rusisë, por nuk ka lidhje drejtëpërdrejtë të Rusisë me sensin e saj të historisë.

Kriza do zgjidhet në Ukrainë. Nuk ka tërheqje, nuk do ketë transferim në Ballkan.

Teuta Vodo: Është retorikë për të destabilizuar. Duhet vënë theksi se Ukraina nuk është thjeshtë një konflikt me Rusinë, por mund të konsiderohet vetëm fushë beteje. Nuk kemi skenën klasike të luftës së ftohtë, mes perëndimit e Lindjes.

Kemi skenarë tjera, pasi flitet qartë se do ketë urdhër tjetër global. Nuk po ndodh sot, ka nisur me ritme të ngadalta e po kalon një superfuqi.  

Gerti Bogdani: Janë dezinform dhe pretekst dhe mesazh, mund të jenë pjesë e zgjidhjes në tavolinë. Në rastin më të keq për shkrepje të parë në Ukrainë, përkthehet në konflikt të dyfishtë në Ballkan. Ka rritje të armatimit të ushtrisë serbe, përfshirë copëtimin e Kosovës. Pjesa më e lakmueshme është Shqipëria e Kosova.