Flash News

E-TJERA

Kontrolle masive në të gjithë vendin për parandalimin e kultivimit të bimëve narkotike, 1833 efektivë në terren

Kontrolle masive në të gjithë vendin për parandalimin e
Foto ilustruese

1833 punonjës të policisë janë angazhuar në terren në kuadër të një operacioni për goditjen e tentativës për kultivim të lëndëve narkotike.

Kontrolli ëshët shtrirë në të gjithë vendin dhe janë përdorur 25 dronë, kamera, dylbi, 297 automjete policie dhe 4 mjete lundruese. Policia bën me dije se në total janë ushtruar 9965 kontrolle.

"4036 kontrolle në sera dhe minisera, 1633 kontrolle në magazina dhe objekte, 1178 kontrolle në ish-objekte ushtarake, 746 kontrolle në banesa të braktisura, 384 kontrolle në stane/stalla bagëtish dhe 1988 kontrolle në ambiente të hapura.  Gjithashtu janë kontrolluar të gjitha vendet e cilësuara me risk dhe vendet ku vitet e kaluara është tentuar të kultivohet kanabis", thuhet në njoftim.

Si rezultat i kontrolleve në të gjithë territorin deri tani nuk janë konstatuar raste të kultivimit të kanabisit apo tentativa për të hapur toka rishtas për kultivim.

Të fundit