Kontrolle në 7 banesa, policia jep detaje nga operacioni "blic" në Nikël

Policia e Shtetit ka dhënë informacion zyrtar në lidhje me operacionin "blic" të ushtruar në orët e para të mëngjesit në fshatin Nikël të Krujës, nga forcat RENEA.

Sipas njoftimit të policisë bëhet me dije se janë kontrolluar shtëpitë e shtatë shtetasve me rekorde të mëparshme kriminale.

Pjesë e kontrollit kanë qenë banesat e Valter dhe Durim Bamit, e Ylli Çangu, Ervin Kodra, Bedri Haka, Marklen Haka e Gentjan Koçit.

Kontrollet janë bërë për të siguruar prova të reja lidhur me ngjarjet e kaluara kriminale të pazbardhura. Ndërkohë, pas kontrollit në banesat nuk janë gjetur prova të reja apo sende te jashtëligjshme. Janë sekuestruar vetëm disa aparate celulare.

Njoftimi i plotë:

Kontrolle në funksion të procedimit penal të ndjekur nga SPAK-u ndaj një grupi të strukturuar kriminal.

Kontrollet për sigurimin e provave që do t’i shërbejnë hetimit, të zhvilluara në zbatim të vendimit të Gjykatës së Posaçme të Shkallës së Parë Kundër Korrupsionit dhe Krimit të Organizuar.

Nëoperacionin e kontrollit të banesave në Nikël, Krujë, janë përfshirë Drejtoria Hetimore Qendrore në Drejtorinë e Përgjithshme të Policisë së Shtetit, Forcat Speciale Renea, Drejtoria e Forcës së Posaçme Operacionale, Drejtoria Vendore e Policisë Durrës e Drejtoria Vendore e Policisë Tiranë.

Gjatë operacionit të kontrollit, ku përdorën edhe dronë, janë zhvilluar kontrolle në 7 banesa, konkretisht:

Në banesat e shtetasve: Durim Bami, Valter Bami, Bedri Haka, Marklen Haka, Gentjan Koçi, Ylli Çangu dhe Ervin Kodra.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm