Flash News

Berisha: Unë jam kosovar, por Kosovën s’e përmend për kapital politik

Berisha: Nëse PD fitonte zgjedhjet e 2013-ës, Shqipëria do kishte hapur negociatat prej kohësh

Zbardhet pr.ligji për kultivimin e kanabisit mjekësor, kriteret që duhet të plotësojnë kultivuesit

Shqipëria i hap rrugë legalizimit të kanabisit mjekësor

Balla: Javën e ardhshme mbahet Konferenca e Parë Ndërqeveritare mes Shqipërisë dhe BE-së

E-TJERA

‘Korrupsion 20-vjeçar në FSHF’/ Bashkia e Tiranës ‘kryqëzon’ Armand Dukën, kërkon hetim ndërkombëtar

Politiko 23 Janar 2022, 12:17

‘Korrupsion 20-vjeçar në FSHF’/ Bashkia e Tiranës

Bashkia e Tiranës do të kërkojë të hënën një hetim kombëtar dhe ndërkombëtar, për shkeljet dhe korrupsionin e kreut të Federatës Shqiptare të Futbollit, Armando Duka, gjatë karrierës së tij 20-vjeçare.

Burime nga bashkia bëjnë me dije se prej ditësh një grup juristësh shqiptarë dhe të huaj (amerikanë dhe britanikë) janë duke përpunuar një dosje shkeljes për t’ia prezantuar FBI, DEA, NCA, Scotland Yard, SPAK, Prokurorisë së Tiranës, Krimit Ekonomik, Agjencisë së Pastrimit të Parave, AMA, Hetimit Tatimor, AKU, si dhe ambasadave Amerikane e Britanike në Tiranë.

Rastet e shitjes ndërkombëtare të ndeshjeve dhe bastet e lidhura me to, do t’i paraqiten një grupi oficerësh rajonalë të FBI-së. Burimet thonë se agjentët e DEA, Agjencia Amerikane e Drogës me qendër në Athinë, do të njihen me të gjitha provat e parave të drogës, me dijeni e mbështetje të Armando Dukës.

Scotland Yard dhe NCA, janë duke hetuar pastrimin e parave nga subjektet e huaja në Britaninë e Madhe. Dosja britanike, sipas burimeve nga Bashkia e Tiranës, ka të dhën a për shpenzimet e Dukës dhe familjes së tij në prona, makina luksoze dhe asete të tjera.

Ndërkohë, me shkresën me nr. 23859 prot. më datë 26.11.2021, është referuar në Prokurorinë e Rrethit Gjyqesor Tiranë materiali procedurial për veprën penale të “Shpërdorimit të detyrës”, parashikuar nga neni 248 i k. Penal në ngarkim të drejtuesve e punonjësve të Federatës Shqiptare të Futbollit. Në lidhje me këtë çështje është dërguar material shtesë me shkresën 23859/k/1, prot më datë 03.12.2021. Gjithashtu, me shkresën 23859/k/2 prot. më datë 16.12. 2021, është dërguar sërish material shtesë. Burime të prokurorisë së Tiranës konfirmojnë se çështjes do t’i shtohen dhe dy prokurorë të tjerë për të përshpejtuar hetimin.

Hetimi përfshin edhe të drejtat e transmetimit, pastrimin e parave apo kontratat e jashtëligjshme të marketingut në futboll, nga kompanitë që janë në posedim të Dukës si: AIBA, SuperSport, EcoMarket, GoTech, Kantina Duka. Këto të dhëna pritet t’i paraqiten për evazion fiskal agjencive shqiptare të Pastrimit të Parave, Krimit Ekonomik dhe Hetimit Tatimor.

Duke qenë se pjesë e aksioneve është edhe vëllai i tij, deputeti Agron Duka, dosja do të dorëzohet në SPAK dhe ILDKP, për të ndjekur përfshirjen e tij në korrupsion.

Burime të Bashkisë Tiranë, pohojnë se kanë përfshirë dhe konsulentë të huaj të medias për të ndërkombëtarizuar shkeljet e Dukës në abuzimet me Fondet e Solidaritetit të dhëna nga FIFA e UEFA, që nuk kanë shkuar për shoqatat e fëmijëve.

Bashkia do t’i përcjellë dosjen e plotë edhe Ambasadave Amerikane e Britanike në Shqipëri, për të kërkuar revokimin e vizave të familjes Duka.

Të fundit