Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Korrupsion dhe shpërdorim detyre, arrestohen 3 efektivë, mes tyre shefi i stacionit të Policisë Orikum

Politiko 24 Janar 2026, 09:30

Korrupsion dhe shpërdorim detyre, arrestohen 3 efektivë, mes tyre

Agjencia e Mbikëqyrjes Policore ka ekzekutuar një vendim të Gjykatës së Posaçme kundër Korrupsionit dhe Krimit të Organizuar, duke vendosur masën e sigurisë “Arrest në shtëpi” për tre punonjës të Policisë së Shtetit në Orikum.

Masat u morën pas një hetimi disa mujor të drejtuar nga SPAK, ku ata dyshohen për përfshirje në veprime korruptive dhe shpërdorim të detyrës, në kundërshtim me ligjin dhe detyrën funksionale.

Njoftimi:

Agjencia e Mbikëqyrjes Policore (Drejtoria e Hetimit dhe Drejtoria Rajonale Vlorë – Gjirokastër) ka ekzekutuar vendimin e Gjykatës së Posaçme të Shkallës së Parë për Korrupsionin dhe Krimin e Organizuar, e cila ka caktuar masën e sigurimit personal me karakter shtrëngues “Arrest në shtëpi” parashikuar nga neni 237 i Kodit të Pr. Penale, ndaj punonjësve të policisë;

D. L., me detyrë Inspektor krimesh pranë Stacionit të Policisë Orikum;
A. J., me detyrë Shef i Stacionit të Policisë Orikum;
A. F., me detyrë Specialist i Policimit në Zonë pranë Stacionit të Policisë Orikum;
të dyshuar për kryerjen e veprave penale “Korrupsion pasiv i personave që ushtrojnë funksione publike” në bashkëpunim dhe “Shpërdorim i detyrës”, parashikuar nga nenet 259, 248 dhe 25 të Kodit Penal.

Drejtoria e Hetimit është vënë në dijeni se këta punonjës policie, në shtator të vitit të kaluar, në kundërshtim me ligjin dhe duke keqpërdorur atributet që iu jep funksioni, kanë kërkuar dhe marrë nga një shtetas shumën prej 270 000 lekësh, në këmbim të shmangies nga përgjegjësia penale.
Pas hetimit disa mujor me metoda speciale në drejtimin e SPAK, u bë i mundur dokumentimi me prova ligjore i implikimit të punonjësve të policisë në veprime korruptive dhe shpërdorim të detyrës. Vijojnë hetimet për zbardhjen e plotë të rrethanave të ngjarjes.



Të fundit