Korrupsioni në qeveri, ish zv.ministrja: Ose gratë janë të korruptuara, ose përshtaten që mos lodhen shefat

Ish zv.ministrja e Financave, Irena Beqiraj ka ngritur disa pikëpyetje mbi korrupsionin në Shqipëri dhe dilemën nëse gratë janë vërtet më të korruptuara se burrat në qeveri.

Në një postim në Facebook, Beqiraj shkruan se sipas studimeve është provuar se burrat janë më të korruptuar se gratë, por çduitërisht në Shqipëri sipas sja ndodh e kundërta. Beqiraj ironizon shefat dhe drejtuesit e lartë të qeverisë, kur thotë se “ose gratë e cvendin tonë janë një lloj tjetër, ose kanë vendosur të përshtaten” para shefave të veshur me luks që i hapin gjoja luftë korrupsionit.

Beqiraj shton se fenonomeni shqiptar nuk bie në të njëjtën mendje me studimin dhe sipas saj, ka diçka që nuk shkon.

Postimi:

Gratë të përshtatura apo gra të koruptuara ?

Në studimet shkencore mbi korupsionin në gjithë botën gjendet një lidhje e drejtëpërdrejtë e tij me zhvillimin ekonomik , kulturën e shoqërisë, mirëqeverisjen , moshën e demokracisë , edhe trashgiminë komuniste . Por në asnjë studim nuk kam hasur në përfundimin që gratë jane më të koruptuara se burrat , përkundrazi , e kundërta provohet .

Në Shqipëri deri tani janë akuzuar edhe arrestuar më së shumti gra për korupsion. Janë gratë që paskërkërkan guxuar "të hanë mollë e dardha " prapa krahëve të shefave e shefeve të tyre! Cuditërisht , gratë paskërkan guxuar të bëjnë korupsion , kanë braktisur integritetin pikërisht cilësinë për të cilën janë zgjedhur në vend të parë , kur shefat e veshur me kostume Brioni e shefet e tyre me canta Luis Vuitton ( me rroga te vogla ) i paskërkan "hapur luftë pa kompromis" kësaj sëmundje të mallkuar .

E pra, kjo shkon në kundështim me të gjitha rezultatet e arritura shkencërisht nga studiusesit e sjelljes edhe ekonomistët në tre dekadat e fundit .

Ose gratë tona qenkërkan një lloj i vecantë në gjithe botën , përjashtim nga e zakonshmja , ose që shefat e tyre të mos lodhet nga pushteti , por që pushteti i tyre të raskapisë gjithë të tjerët , gratë kanë vendosur të përshtaten .

A janë gratë tona qënie të lindura edhe të rritura pa integritetit, apo e kanë braktisur atë sepse fjalia kyce për të mbijetuar apo për të pasur sukses në sistemin që kemi ngritur është të përshtatesh e të shërbesh me cdo kosto për të qenë ti ylli në ngjitje ?

Cfarë nuk shkon këtu ? Këto ishin pyetjet që po përpiqesha t'ju përgjigjesha , ndërsa notoja sot në mëngjes , edhe vura re që u lodha mezi bëra 1.5 Km.

Nesër do zgjedh të pyes veten për cështje më të lehta , si përshembull a i hidhet tiramisu-së esencë limoni , kështu të gjitha gratë , ato që drejtojnë, ato që janë në burg (edhe une vet ) do jemi më të kënaqura me performancën time sportive .