Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kosova jep 100 euro shtesë për pensionistët, qeveria Rama i indeksoi me 7.5%

Politiko 12 Tetor 2022, 13:29

Kosova jep 100 euro shtesë për pensionistët, qeveria Rama i

Qeveria e Kosovës vendosi që gjatë muajit tetor pensionistët të marrin nga 100 euro shtesë. Sipas zëvendëskryeministrit Besnik Bislimi ndihmat do të ndahen në kuadër të paketës për përballjen me inflacionin.

“Prandaj, për këtë qëllim duhet të ndahen mjete buxhetore prej mbi 28 milionë eurosh”, tha ai.

Ndryshe nga Kosova, qeveria shqiptare miratoi indeksimin e pensioneve me vetëm 7.5%. Krahasuar me Kosovën, ndihma që qeveria shqiptare ju ofroi pensionistëve, është shumë larg dhe aspak motivuese.

Në të njëjtën linjë me Kosovën e cila dyfishoi ndihmën ekonomike, shkoi edhe Shqipëria. Ishte kryeministri Rama që njoftoi dyfishimin e ndihmës ekonomike, por vetëm për gratë kryefamiljare me dy fëmijë. Pjesa tjetër e familjeve që përfitojnë nga ndihma ekonomike, do të kenë një rritje me 10%.

“Do të rrisim me 10% ndihmën ekonomike dhe do ta dyfishojmë për gratë kryefamiljare me dy fëmijë. Të gjitha gratë kryefamiljare që janë në kushtet e papunësisë do të marrin një ndihmë ekonomike të dyfishuar”, deklaroi Rama gjatë prezantimit të Paketës së Dytë të Rezistencës Sociale.

Qeveria e Kosovës miratoi një rritje prej 100 eurosh edhe për studentët, të cilët nga qeveria shqiptare nuk janë llogaritur fare në mesin e shtresave që preken nga kriza.

Punëtorët e sektorit publik të Kosovës morën shtesën prej 50 eurosh, ndërsa për punëtorët e ndërmarrjeve publike u dha shtesa prej 100 eurosh.

Qeveria Rama e rriti pagën minimale me 2 mijë lekë duke e çuar nga 32 mijë lekë në 34 mijë lekë. Një shtesë e tillë nuk ka të krahasuar me Kosovën e cila ka miratuar një rritje më të lartë në ndihmë të qytetarëve.

Pjesë e rritjes së pagave nga qeveria shqiptare ishin edhe administrata, Policia e Shtetit, mësuesit, mjekët dhe ushtarakët.

“Do të vazhdojmë programin e rritjes së pagave siç është paralajmëruar për sektorët prioritarë me buxhetin dhe afatin e vitit të ardhshëm, pasi kemi rritur me efekt nga muaji korrik pagat për ushtarakët, mjekët, mësuesit, do t’i rrisim përsëri. Sot me ndërhyrjen e dytë dhe një paketë rezistence afatmesme do të rrisim pagat për administratën që nuk ishin prekur prej shumë kohësh dhe do të rrisim pagat për pol e shtetit dhe për pol e burgjeve dhe këto trupa që nuk kishin rritje pagash prej kohësh pas një rritje masive që kishin marrë disa kohë më parë. Rrisim pagën minimale nga 32 në 34 mijë lekë. Nuk do të ketë pagë më të ulët se 34 mijë lekë në RSH dhe me këto ndërhyrje besoj se i kapërcejmë në aspektin financiar paketat e natyrës një pako për 2 apo për 3 muaj dhe pastaj s’ka tjetër dhe krijojmë një bazë të rëndësishme”, deklaroi Rama asokohe.