Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

E-TJERA

KPA kërkon ‘ndihmë’ nga Amerika: SPAK po tejkalon afatet proceduriale, rrezikon funksionalitetin e Kolegjit

Politiko 8 Shtator 2021, 15:07

KPA kërkon ‘ndihmë’ nga Amerika: SPAK po tejkalon afatet

Kryetarja e Kolegjit të Posaçëm të Apelimit, Albana Shtylla i është drejtuar me një letër zyrës së OPDAT të ambasadës amerikane, ku i shpreh shqetësimin për tejkalimin e afateve proceduriale ndaj disa subjekteve.

Duke iu referuar dy gjyqtarëve, Luan Daçit dhe Ardian Hajdarit, kryetarja e shprehet se gjyqtarët e Kolegjit janë vendosur nën presion të vazhdueshëm për kryerjen e funksioneve kushtetuese duke rrezikuar funksionalitetin e Kolegjit.

“Gjyqtarët e Kolegjit shprehin shqetësimin se kallëzimet penale dhe procedimet lidhur me to si edhe mosshqyrtimi apo gjykimi, brenda afateve proceduriale, veçanërisht i çështjeve të sipërpërmendura, por jo vetëm, kanë vështirësuar ushtrimin e veprimtarisë gjyqësore të Kolegjit, për më tepër i ka vendosur ata nën presion të vazhdueshëm për kryerjen e funksioneve të tyre Kushtetuese, duke rrezikuar në këtë mënyrë seriozisht funksionalitetin e Kolegjit, për rrjedhojë dhe të vetë procesit të rivlerësimit.

Nëpërmjet shprehjes së këtij shqetësimi, kërkojmë të sjellim në vëmendjen tuaj, duke respektuar plotësisht pavarësinë dhe paanësinë në ushtrimin e detyrave dhe vendimarrjet tuaja, që gjatë procedurave për trajtimin e këtyre kallëzimeve dhe procedimeve penale nga Prokuroria e Posaçme kundër Korrupsionit dhe Krimit të Organizuar, apo gjatë gjykimit të tyre në të gjitha shkallët e gjyqësorit përfshirë edhe Gjykatën e Lartë, të garantohen, të drejtat procedurale, zbatimi i afateve proceduriale, transparenca në përputhje me parashikimet ligjore, si dhe efikasiteti për kryerjen e një procesi të drejtë dhe të shpejtë, me qëllim që të mos pengohet veprimtaria dhe moscënohet funksionaliteti i Kolegjit të Posaçëm të Apelimit dhe i procesit të rivlerësimit. Gjyqtaret e Kolegjit te Posaçëm të Apelimit, të ndërgjegjshëm dhe të përgjegjshëm për respektimin e të gjitha parashikimeve kushtetuese dhe ligjore që lidhen me të drejtat dhe detyrat e tyre, kërkojnë nëpërmjet kësaj shkrese mbajtjen në konsiderate të shqetësimeve të sipërpërmendura, për t'iu përgjigjur së bashku sifidave të zbatimit të Reformes në Drejtësi”, shkruhet në letrën e kryetares së Kolegjit drejtuar zyrës së OPDAT.

KPA kërkon ‘ndihmë’ nga Amerika: SPAK po tejkalon afatet

KPA kërkon ‘ndihmë’ nga Amerika: SPAK po tejkalon afatet

Të fundit