KQZ dhe Komisioni për Mbrojtjen nga Diskriminimi nxjerrin rekomandimet për të evituar gjuhën e urrejtjes gjatë fushatës zgjedhore

Foto Ilustruese

Kreu i KQZ-së, Ilirjan Celibashi së bashku me komisionerin për Mbrojtjen nga Diskriminimi, Robert Gajden nënshkruam sot rekomandimet e përbashkëta për parandalimin e përdorimit të gjuhës së urrejtjes gjatë fushatës zgjedhore 2021.

Ata kanë rekomanduar partitë politike dhe kandidatët që të refuzojnë, të përdorin apo të mbështesin një gjuhë e cila mund të arrijë të konsiderohet gjuhë urrejtje.  

Sipas tyre, duhet të trajtohen në mënyrë të drejtë temat e ndjeshme në lidhje me grupet e përcaktuara për të shmangur stigmatizimin.

Komisioni Qendror i Zgjedhjeve dhe Komisioneri për Mbrojtjen nga Diskriminimi kërkojnë bashkëpunimin e organeve mediatike për të refuzuar mbështetjen e partive politike apo kandidatëve që përdorin gjuhë urrejtjeje dhe diskriminuese.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm