Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

KQZ mblidhet për kryebashkiakun e Mallakastrës, avokati i Ismailajt: S'është njoftuar për dënimin me 3 vite burg

Politiko 2 Korrik 2021, 11:48

KQZ mblidhet për kryebashkiakun e Mallakastrës, avokati i Ismailajt:

KQZ pritet të japë një vendim sot mbi mandatin e kryebashkiakut të Mallakastrës, Qerim Ismailaj, i cili rezultoi i dënuar në vitin 2000 me 3 vite burg për konflikt në Greqi, por nuk e deklaroi në formularin e dekriminalizimit para kandidimit.

Gjatë mbledhjes, përfaqësuesi i PD, Ivi Kaso kërkoi ndërprerjen e mandatit për Qerim Ismailajn, pasi ndodhet në kushtet e ndalimit për periudhë 10-vjeçare dhe ai ende s’ka nisur dënimin e 21 viteve më parë.

"Kemi qenë ne që kemi vënë në lëvizje verifikimin e thelluar për këtë të zgjedhur vendor për shkak se sipas informacioneve që ne disponim dhe që u verifikuan, ka qenë në kushtet e ndalimit kur ka kandiduar. Rezulton që ai është i dënuar me 3 vite burg dhe parashikojmë se ndodhet në kushtet e ndalimit për të kandiduar. Ai nuk mund të kandidojë për 10 vite dhe nga informacionet rezulton se akoma nuk ka filluar vuajtja e dënimit për të sepse i është shmangur dhe Komisioni Qendror i Zgjedhjeve duhet ta verifikojë këtë dhe ta shkarkojë. Kërkojmë që komisioneri shtetëror i zgjedhjeve do të vendosë ndërprerjen e menjëhershme të këtij të zgjedhur vendor", - tha Kaso.

Nga ana tjetër, avokati mbrojtësi Besnik Strati deklaroi se kryebashkiaku i Mallakastrës nuk ka pasur dijeni për vendimin dhe se nuk rezulton person i ndaluar apo i dëbuar nga Greqia.

"Gjyqi në Greqi është zhvilluar në mungesë të tij dh e nuk evidentohet nga autoritet greke të drejtësisë që ai të ketë marrë dijeni për vendim gjyqësor të dënimit ndaj tij. Po ashtu nga sistemi TIMS ai nuk figuron i ndaluar apo i dënuar nga autoritet e huaja apo ato shqiptare për ndonjë vepër penale dhe nuk ka asnjë urdhër kërkimi në ngarkim të tij. Ismailaj ka qenë i përshirë në konflikt, por nuk ka dëmtuar askënd, përvecc se është dëmtuar rëndë vetë nga persona të tjerë. Ai ka qenë viktimë i veprës penale dhe jo autorë dhe me rëndësi është fakti se ai nuk ka marrë asnjëherë dijeni në raport me gjykimin në mungesë duke i mohuar edhe mbrojtjen. Dënimi i vetëm që mund të jepej nga Gjykata Shqiptare është dënimi me gjopë", u shpreh avokati.

Nga verifikimet e Prokurorisë, kryebashkiaku i Mallakastrës, Qerim Ismailaj, rezultoi i dënuar me vendim të formës së prerë, për kryerjen e një vepre penale, nga autoritet gjyqësor i huaj;

"Referuar vendimit 9-11-2000 të Gjykatës së Përbërë nën Betim të Chios, i formës së prerë, rezulton se i akuzuari Qerim Ismail Ismailaj, (në mungesë në gjykim) është deklaruar fajtor dhe është dënuar me 3 tre vite burgim për veprën penale të “Konflikti”, “Përleshjes”, parashikuar nga neni 313 i Kodit Penal të Republikës së Greqisë, që i korrespondon veprës penale të “dëmtime të tjera me dashje”, parashikuar nga neni 90/1 të Kodit Penal të Republikës së Shqipërisë, e cila si sanksion parashikon dënim vetëm me gjobë." sqaronte Prokuroria.