KQZ miraton kërkesat e 11 partive për regjistrimin në zgjedhjet e 6 marsit

Komisioni Qendror i Zgjedhjeve ka miratuar kërkesat e 11 partive politike për të marrë pjesë në zgjedhjet e pjesshme lokale të 6 marsit.

Krahas PS, PD dhe LSI, në këto zgjedhje janë regjistruar edhe parti të vogla si FRD, PKDSH, PLL etj., ndërsa aleatët e Partisë Demokratike, Agron Duka,  Fatmir Mediu, Dashamir Shehi, Shpëtim Idrizi apo Vangjel Dule kanë qëndruar jashtë garës.

Ndërkohë, nesër është afati i fundit për të dorëzuar kërkesat për regjistrimin e koalicioneve.

Partitë e regjistruara në zgjedhje:

Partia Socialiste e Shqipërisë (PS)

Partia Demokratike e Shqipërisë (PD)

Lëvizja Socialiste për Integrim (LSI)

Lëvizja e Re (LRE)

Fryma e Re Demokratike (FRD)

Partia Kristian Demokrate (PKDSH)

Partia Demokristiane e Shqipërisë (PDK)

Partia e Reformave Demokratike e Shqipërisë (PRDSH)

Partia Bashkimi Demokrat (PBD)

Partia Lëvizja e Legalitetit (PLL)

Partia Balli Kombëtar Demokrat (PBKD)