Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kreu i delegacionit të PE uron Ramën: Procesi zgjedhor, hap i rëndësishëm në pranimin e Shqipërisë në BE

Politiko 10 Maj 2021, 20:36

Kreu i delegacionit të PE uron Ramën: Procesi zgjedhor, hap i

Kreu i Delegacionit të PE në Komitetin e Stabilizim-Asociimit BE-Shqipëri, Manolis Kefalogiannis ka uruar kryeministrin Edi Rama për fitoren e zgjedhjeve të 25 prillit.

Në një letër, Kefalogiannis ka vlerësuar ditën e zgjedhjeve si të qetë dhe pozitive. Për këtë, Kefalogiannis shkruan më tej se procesi zgjedhor është një hap i rëndësishëm në pranimin e Shqipërisë në BE dhe se Parlamenti Evropian do të vazhdojë të mbështesë Shqipërinë në rrugën e saj drejt integrimit.

“I dashur Z. Rama, unë do të doja t’ju përgëzoja ngrohtësisht për procesin e mirëorganizuar zgjedhor, i cili përfundoi në një ditë të qetë dhe pozitive të zgjedhjeve parlamentare në 25 Prill 2021. Unë do të doja të përshëndesja njerëzit e Shqipërisë për pjesëmarrjen e tyre paqësore në këto zgjedhje. Më lejoni të vlerësoj organizimin e mirë të zgjedhjeve parlamentare pavarësisht nga sfidat e paraqitura nga një legjislacion zgjedhor i rishikuar në kontekstin e një pandemie globale.

Organizimi i suksesshëm i këtij procesi zgjedhor është një hap shumë i rëndësishëm në rrugën drejt pranimit të vendit tuaj në Bashkimin Evropian, një hap që duhet të ndiqet nga zbatimi i plotë i rekomandimeve të formuluara nga Misioni OSBE-ODIHR.

Ju mund të jeni të sigurt se Parlamenti Evropian mbështet dhe do të vazhdojë të mbështesë Shqipërinë në rrugën e saj drejt integrimit në BE. Si Kryetar i Delegacionit të Parlamentit Evropian në Komitetin Parlamentar të Stabilizim-Asociimit BE-Shqipëri, unë pres që të vazhdojmë bashkëpunimin tonë të ngushtë dhe të frytshëm me Parlamentin e sapo zgjedhur”, shkruan Manolis Kefalogiannis.

Të fundit