Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

E-TJERA

KRIIK rendit problematikat e zgjedhjeve në Himarë: Shkeljet filluan nga Begaj, PS përdori administratën

Politiko 6 Gusht 2024, 12:16

KRIIK rendit problematikat e zgjedhjeve në Himarë: Shkeljet filluan

Koalicioni për Reforma, Integrim dhe Institucione të Konsoliduara (KRIIK), ka publikuar gjetjet paraprake të monitorimit të zgjedhjeve të pjesshme në bashkinë e Himarës më 4 gusht 2024.

Ekipi i ekspertëve nga KRRIK ndoqën situatën politike dhe institucionale në të cilën zgjedhjet u mbajtën, si dhe vëzhguan në mënyrë të pandërprerë përgatitjen dhe administrimin e procesit zgjedhor nga ana e Komisionit Qendror të Zgjedhjeve (KQZ).

Ditën e zgjedhjeve dhe përgjatë numërimit të votave, KRIIK angazhoi tetë aktivistë të cilët vëzhguan procesin e votimit në 32 Qendra Votimi dhe situatën jashtë tyre, aktivitetin e Komisionit Zonal të Administrimit të Zgjedhjeve përgjatë procesit të shpërndarjes së materialeve zgjedhore, ditës së zgjedhjeve dhe numërimit të votave, si dhe procesin e numërimit të votave. KRIIK do të vijojë të ndjekë hapat e procesit në vazhdim, përfshirë ankesat apo apelimet e mundshme.

“KRIIK gjykon se vendimi i Presidentit të Republikës për të caktuar datën e zgjedhjeve përpara përfundimit të afatit ligjor për ankimim është në shkelje të ligjit. Gjithashtu, caktimi i datës së zgjedhjeve pa u konsultuar paraprakisht me partitë politike konsiderohet i papranueshëm, pasi pavarësisht se nuk përbën një detyrim të mirëfilltë ligjor, është një praktikë tanimë e konsoliduar, në linjë me balancimin politik të ndërtimit dhe administrimit të procesit zgjedhor, e cila rrit legjitimitetin dhe besueshmërinë e palëve dhe të qytetarëve në proces.  Nga ana tjetër, duke krahasuar dinamikën e caktimit të datës së zgjedhjeve për Kryetarin e Bashkisë Himarë me atë të Kryetarit të Bashkisë Kukës, proces gjatë të cilit afatet e parashikuara në Kushtetutë për caktimin e zgjedhjeve të pjesshme në Bashkinë Kukës u shkelën hapur nga të njëjtët institucione të përfshira (Këshilli i Ministrave dhe Presidenca), ngrihen dyshime të forta se Presidenti i Republikës, në koordinim me Këshillin e Ministrave, ka vepruar në përputhje me kalkulimet elektorale të Partisë Socialiste për caktimin e datës së zgjedhjeve, duke vendosur pikëpyetje të forta mbi parimin kushtetues se Presidenti i Republikës përfaqëson unitetin e popullit, duke qëndruar mbi palët politike”.

Sipas KRIIK, ditën e zgjedhjeve, listat e zgjedhësve ishin të afishuara në disa qendra votimi, por jo në të gjitha.

“Në datën 15 korrik 2024, Komisioni Qendror i Zgjedhjeve miratoi emërimin e auditit teknicien dhe ndihmësit të tij, që do të verifikonte integritetin e listave të zgjedhësve. Një tjetër problematikë e vërejtur nga auditi teknicien është prania në listën e zgjedhësve e 157 zgjedhësve nga i njëjti trung familjar që votojnë në qendra të ndryshme votimi, ndryshe nga sa parashikohet në raste të tilla nga Kodi Zgjedhor”.

KRIIK i referohet edhe afro 6 mijë zgjedhësve të cilët e patën të pamundur të votojnë për shkak të ID të skaduara.

“Një problem madhor në zgjedhjet e 4 gushtit ishte pamundësimi i votimit për zgjedhësit që kishin dokumente identifikimi të skaduara. Ditën e zgjedhjeve, u bë publike një problematikë e ditur edhe më parë nga partitë politike dhe vetë KQZ-ja, që lidhej një numër shumë të lartë zgjedhësish, të cilët nuk dispononin në ditën e zgjedhjeve një dokument identifikimi të vlefshëm, pasi u kishte kaluar afati i përdorimit”.

Raporti i referohet edhe përdorimi të administratës shtetërore nga socialistët në pushtet, si edhe dyshimet për emërimin e Vangjel Tavos si prefekt të Vlorës, kur emri i tij ishte përmendur si kandidat jo zyrtar i PS për garën e Bashkisë së Himarës.

“Mazhoranca në pushtet përdori burimet shtetërore dhe të tjera privilegje që vijnë nga të qenit në pushtet për avantazh elektoral edhe përgjatë kësaj fushate. Në mënyrë të veçantë, kandidati i Partisë Socialiste, z. Vangjel Tavo, i cili ishte shpallur prej kohësh në mënyrë jo formale se do të ishte kandidat i kësaj partie për Kryetar të Bashkisë Himarë u emërua Prefekt i Qarkut Vlorë në mars 2024. Në këtë mënyrë, ndërkohë që zhvillonte takime elektorale të parakohshme si kandidat për kryetar bashkie, z. Tavo ishte edhe Prefekt i Qarkut të Vlorës.”

Dokumenta bashkëngjitur

Të fundit