Flash News

Krimi elektoral në Belsh, Prokuroria e Elbasanit 4 punonjës të IMT pas kallëzimit të PD

Incident në Giro d’Italia, qytetari përplaset nga çiklisti

PD kundër kërkesës së PS për shtyrjen e orarit të votimit në Vlorë: Abuzim me procesin zgjedhor

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

E-TJERA

Krishti u Ngjall! Besimtarët ortodoksë e katolikë kremtojnë sot Pashkët në mbarë vendin

Politiko 20 Prill 2025, 08:33

Krishti u Ngjall! Besimtarët ortodoksë e katolikë kremtojnë

Besimtarët ortodoksë e katolikë në mbarë vendin kremtuan në mesnatë ngjalljen e Krishtit në meshën e pashkëve, dita më e rëndësishme në kalendarin festiv të krishterë.

Këtë vit, Pashkët e të gjithë besimtarëve të krishterë, katolikë, ortodoksë apo edhe protestantë, përkojnë në të njëjtën ditë.

Në festën e pashkës ata kremtojnë ringjalljen e Krishtit, moment ky që simbolizon rilindjen e shpresës, forcimin e besimit tek zoti për të gjithë besimtarët, kalimin nga e përkohshmja në të përjetshmen dhe çlirimin e njerëzve nga mëkati.

Në Tiranë, meshat u mbajtën në Katedralen Katolike "Shën Pali" dhe në Katedralen Ortodokse "Ngjallja e Krishtit". 

Në orën 22:00 nisi kremtimi në Katedralen Katolike "Shën Pali", ku Imzot Arjan Dodaj përcolli një mesazh për paqe dhe mbrojtje nga lufta.

"O Hyj i gjithëpushtetshëm dhe i amëshuar, na mbro! Kështu që kisha të shohë atë që kemi besuar. Bëj më të mirën për ne, Zoti ynë. Ti ngre atë që ka rënë poshtë dhe ti mbron atë që është në luftë. Amen!", tha ai. 

Në orën 23:00, kremtimi vazhdoi në Katedralen Ortodokse "Ngjallja e Krishtit" . Mesha u drejtua nga Krypeshkopi Joan, i cili dha mesazh shprese.  

"Në këtë ditë të shenjtë, të gjithë jemi të ftuar të marrim pjesë në këtë gëzim. Kemi sigurinë se dashuria e Tij është më e fortë se urrejtja dhe se shpresa jonë në Krishtin është më e fortë se dëshpërimi. Ata që shpresojnë te Zoti do të ripërtërijnë forcën e tyre. Nëse do të ndizet drita e ngjalljes, edhe marrëdhëniet mes njerëzve do të ndriçohen. Sakrificat janë të domosdoshme për shërimin tonë shpirtëror.

Ndoshta sot më shumë se kurrë, bota jonë ka nevojë për mesazhin e Pashkës. Ngjallja e Krishtit na premton një të ardhme të ndryshme. Ai na ka bërë pjesëtarë të ngjalljes së Tij. Sakrifica, ashtu si bekimi, nuk janë të lehta, por janë të domosdoshme”, tha Kryepeshkopi Joan.

 

Të fundit