Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

'Përplasja' Berisha-Basha, Mërtiri: Çdo dobësim i opozitës, i shërben pozitës. Roli i Bashës është dubluar

Politiko 19 Shtator 2021, 18:13

'Përplasja' Berisha-Basha, Mërtiri: Çdo dobësim

Pedagogu dhe sociologu Ergys Mërtiri ka komentuar ‘përplasjet’ dhe ‘krisjen’ mes kryedemokratit Lulzim Basha dhe ish-liderit Sali Berisha.

Në një intervistë për RTV Ora, Mërtiri tha se çdo dobësim i opozitës i shërben pozitës, teksa theksoi se PD-ja do e rimarrë veten pas këtij konflikti, që e pengon një forcë politike të ecë përpara.

“Çdo dobësim i opozitës, i shërben pozitës. Çdo përçarje, ku njëra palë hedh sulme në publik, kjo dëmton imazhin lidershipin e PD. Sado që PD të dalë e dëmtuar nga kjo histori, mendoj se PD do e marrë veten dhe do të dalë e fortë, pas këtij konflikti. Konflikti është pengesë që një forcë politike të zhvillohet dhe të ecë përpara, dhe të krijojë imazhin e duhur, por nga ana tjetër, konflikti i forcon njerëzit në politikë sepse ai që do të fitojë,do të ketë më shumë autoritet dhe peshë publike. Konflikti prodhon lider,” ka thënë Mërtiri.

Mërtiti shton se është krijuar një përshtypje se Basha nuk ka autoritet sepse ka qenë i detyruar të drejtojë me konflikte, teksa thekson se nëse kreu i opozitës e fiton këtë betejë, do të ketë më shumë fuqi në duar.

“PD deri më tani ka vuajtur nga fakti se Basha është parë sikur nuk është i fortë, nuk ka autoritet. Kjo vjen për shumë arsye, për faktin se ka qenë i detyruar të drejtojë me konflikte, ka qenë i sulmuar dhe roli i tij si kryetar ka qenë i dubluar. Nëse Basha do e fitojë këtë betejë, patjetër që do të çlirohet nga këto dhe do të ketë më shumë fuqi në duar për të qenë imponues. Nëse Berisha do të fitojë, patjetër që do të ketë at vrullin,” shton Mërtiri.

Kujtojmë se pas vendimit për largimin e ish-liderit Sali Berisha nga grupi parlamentar, ky i fundit ndërmori një aksion për të reformuar PD-në, të cilin e ka quajtur ‘Foltorja’. Në fokus të ‘Foltores’ janë takimet me demokratët në të gjithë vendin.

Ndërkohë pas takimit të parë të Berishës me demokratët e vendit, reagoi edhe Lulzim Basha. në një deklaratë për mediat, Basha u shpreh se pas përjashtimit të Berishës, “nuk ka më kthim pas.”

Të fundit